男友係醫生又係十優狀元，馮盈盈自覺係執到筍盤。
娛樂偵訊
粗口港姐馮盈盈 十優醫生男友監場
今屆出爐港姐冠軍馮盈盈，俾人大起底摷晒佢喺 facebook嘅留言，發現佢原來好爛口，好識得運用粗口技巧，佢為咗力撐雨傘運動，對反佔中的立法會議員同特首梁振英，經常都連環爆粗狂罵。
之後馮盈盈亦勇於承認發表過這些粗口言論，不過唔知佢是否受到大台壓力，講到好似有啲後悔當年的言論：「當時入大學冇耐，受身邊氣氛影響。呢個係私人平台，只係想同好 close嘅朋友分享感受，有啲係過激，但我平日唔講粗口，只係打出嚟。」
除咗講粗口俾人起底外，馮盈盈個十優狀元醫生男友 Martin，同樣俾人大起底。
刪走同男友親熱相
二十二歲嘅「港大女神」馮盈盈，雖然佢選港姐期間，已醒目地將 facebook同 instagram𥚃面同醫生男友 Martin嘅親熱相刪得就刪（但係竟然唔記得刪走啲粗口留言），不過自從當選港姐後，佢想再收埋男友根本冇可能囉，男友已極速被起底。
馮盈盈現任男友姓鍾，英文名叫 Martin，喺名校喇沙書院畢業，仲係○五年的十優狀元，之後入讀香港大學醫學院，現於瑪麗醫院做醫生。
「 Crystal佢覺得自己執到個筍盤，個男友年輕有為又錫佢，所以佢都唔介意俾人知，不過參選初期，大台要求佢哋要淨化社交網上嘅相，唔好俾人摷到啲影響港姐形象嘅相，所以佢先刪咗啲相，但係去到後期，佢都唔理咁多，照 post去澳門幫男友慶祝生日嘅相，仲話今年係佢哋第一個共度嘅生日，之後會陪佢過無數嘅生日，繼續寵壞佢。」
至於馮盈盈都好主動兼豪放，同男友影落唔少拍拖相，當中仲有好多係親熱嘴相，睇得出佢好冧呢個男友。
喊晒成功搏同情
決賽當晚每位佳麗都有兩張入場券，不過馮盈盈冇將入場券俾喺拉票環節中，佢講到聲淚俱下心中最重要同最關心嘅爸爸，一張俾咗阿媽，另一張就俾咗男友，等男友見證住佢當選一刻。
講番比賽當晚，馮盈盈成功揮低大熱門亞軍劉穎鏇，全憑喊晒咁擺老豆上枱，攞到唔少同情分，但係原來佢唔係第一次利用屋企人，之前佢選過校花，當時都自爆細佬有腎病搏同情。
馮盈盈表示細佬兩歲被診斷患有腎病，而且免疫力極差，郁啲就要住兩、三個月醫院，所以佢一早已經決定好要讀食物及營養學做個營養師，幫細佬及家人打理飲食習慣。
不過嗰次嘅悲情招數，未能幫馮盈盈加到分，唔能夠當選校花，亦好彩因為做唔到校花，馮盈盈轉戰參加港姐，先有今日嘅結果。
雖然大台近年鬧小生荒，但黎振燁跟羅鈞滿、羅天宇和楊潮凱等在二十三期藝訓班畢業後，他一直被投閒置散，最威都只是在《巾幗梟雄之義海豪情》及 laughing gor電影系列中做路人甲。
「响大台三年都見唔到曙光， Jackson（黎振燁）之後去咗 HKTV，但拍完部《警界線》個台就冇咗。跟住佢去咗太陽娛樂做 model，反而搵到錢，年幾前拉埋天窗，婚禮好簡單，只係註冊同食餐飯。」知情人說。
不過黎振燁好喜歡演戲，等足咁多年想圓演員夢，如今總算等到！
撰文、攝影、攝錄：娛樂組
|
鍾意就快D Share啦！
|
|
|