沈嘉偉教路 梁朝偉香港仔商廈踩線 [壹週刊 - 1384] __,沈嘉偉,梁朝偉,朝偉,M1,

探熱針沈嘉偉教路　梁朝偉香港仔商廈踩線影帝梁朝偉近年減產，但身家依然豐厚。財來有方，源於識揀磚頭。他與老婆劉嘉玲共同持有物業遍布香港、蘇州、上海及北京，均是豪宅，升值潛力十足。近年梁朝偉得老友沈嘉偉教路，主攻香港仔商廈。年初他以8,475萬賣出甲級商廈ONEISLANDSOUTH一層五相連單位，僅持三年半就淨賺近3,281萬。唔使捱更抵夜就有幾千萬落袋！梁朝偉食住上，今年1月他再以4,373萬及3 ...

探熱針

沈嘉偉教路　梁朝偉香港仔商廈踩線

影帝梁朝偉近年減產，但身家依然豐厚。財來有方，源於識揀磚頭。他與老婆劉嘉玲共同持有物業遍布香港、蘇州、上海及北京，均是豪宅，升值潛力十足。

近年梁朝偉得老友沈嘉偉教路，主攻香港仔商廈。年初他以 8,475萬賣出甲級商廈 ONE ISLAND SOUTH一層五相連單位，僅持三年半就淨賺近 3,281萬。

唔使捱更抵夜就有幾千萬落袋！梁朝偉食住上，今年 1月他再以 4,373萬及 3,540萬購入同區商廈 W50兩單位，影帝銳意做商廈王。

靠老婆發達

醉心演戲的偉仔曾經講過：「置業的事情基本上都是交給嘉玲打理。」而且還自嘲：「很笨，除了拍電影什麼都不會，對老婆的眼光很有信心。」靠老婆會發達，據知偉仔另一盞明燈就是 I.T老闆、邱淑貞老公沈嘉偉。

沈嘉偉是典型「香港仔」，在華富邨出身，多年前已在香港仔、黃竹坑一帶掃物業。眼見近年該區再發圍，有酒店進駐，商廈、工廈潛力十足，沈嘉偉睇準入手之餘，做埋偉仔軍師。

「偉仔唔好玩車，所以佢同阿沈嘅話題都係傾吓投資同飲酒。阿沈教佢點掃香港仔啲商廈，分析好多嘢，因為偉仔係保守派，唔鍾意搏，雖然佢啲物業都係嘉玲幫手睇住，但偉仔都鍾意考吓自己眼光，所以入手都揀豪宅，冇衰。」知情人說。

位於黃竹坑的 W50價位高，偉仔連掃兩個高層單位，埋單近八千萬。

黃竹坑 ONE ISLAND SOUTH

今年初偉仔以 8,475萬沽出五相連單位，持貨三年半賺逾 3,200萬。

今年七月偉仔與嘉玲結婚八周年搞 party，邱淑貞、沈嘉偉夫婦（左）有份出席，可見兩 pair人有幾 friend。

有沈嘉偉呢個軍師，保守的偉仔在三年內幾度出擊。先在十二年七月以 5,194萬連掃香港仔甲級商廈 ONE ISLAND SOUTH十二樓五相連單位，長揸等時機，到今年一月初見升到心目中水位，便以 8,475萬賣出，賺近 3,281萬。食過翻尋味，去年十二月及今年一月，再接再厲，以 4,373萬及 3,540萬購入同區另一高級商廈 W50，三十五樓兩單位及四個車位，香港仔商廈成偉仔近年投資重地。

偉仔在圈中有一定影響力，去年六月他獲頒法國藝術與文學軍官勳章（ Officier），與王家衞等人分享喜悅。

梁朝偉醉心演戲，估唔到投資眼光獨到，老婆劉嘉玲及老友沈嘉偉功不可沒。

偉仔與嘉玲現居住於共同持有的山頂和福道獨立屋， 06年以 7380萬買入，現已升值至逾 3億。

13年劉嘉玲夥拍鄧永鏘爵士（左二）合資千萬搞家品店，開幕當日世界名模 Kate Moss及老公偉仔出席剪綵。

近日偉仔（右）身在羅馬拍馬楚成新片《歐洲攻略》，被網民捕獲跟他極似樣的替身。

嘉玲蘇州別墅自己名

偉仔投資屬保守派，而老婆就較大膽，於內地有不少物業，包括上海、北京、杭州、重慶等，在家鄉蘇州的名勝拙政園，及太湖都擁兩豪宅，其中拙政園旁其中一幢別墅就命名為「嘉玲苑」，市值億億聲。

另外嘉玲亦全力打造生意王國，繼 13年與鄧永鏘爵士合資千萬搞高級家品店及在 The One開西班牙餐廳，早前又涉足紅酒界，出品了自家紅酒。亦在內地推出高級時裝品牌 ANIRAC，進駐上海連卡佛百貨，百足咁多爪。

嘉玲早前在強國真人騷節目透露：「在家我的角色是太太、管家、女朋友、女兒、工人，有事他（偉仔）會第一個跑掉。」大部分男人背後都要靠女人扶持。

撰文、攝影、攝錄：娛樂組

來源 source: http://hk.next.nextmedia.com

鍾意就快D Share啦！

下一篇 》