拍戲啫！唔使咁緊張！
藝人鄭嘉穎、田蕊妮和何啟南日前在八鄉拍攝無綫新劇《迷》的追逐場面，劇情講述田蕊妮被何啟南挾持，最後獲持槍的鄭嘉穎勇救。與何啟南對峙時，田蕊妮更用假磚勁扑對方，何啟南被扑足三次，連磚都爆開，認真陰功！
受訪時，田蕊妮指磚頭用發泡膠造，所以扑中都不會太痛。不過，她指之前拍松節水罐打何啟南的場面，事後有工作人員表示「有人爆缸」，搞到何啟南立刻摸摸後尾枕，阿田說：「但佢冇流血，係我隻手指見紅，原來𠝹嗰吓係唔覺痛，之後都去縫咗兩針。」何啟南就指被扑有少少痛：「好彩今日個角色會死。」劇中似乎有「鐵頭功」的他，笑謂希望可以像《城寨英雄》的歐瑞偉般「打」出回響：「似佢有鐵布衫幾好。」
田蕊妮話請嘉穎食飯但仲未兌現
談到有指《迷》是鄭嘉穎最後一套為無綫拍攝的劇集，嘉穎指一切言之尚早：「暫時係最後一套啫，Never say never。」又笑指拍檔田蕊妮欠他好多餐飯：「四年前幫佢接受咗個採訪，佢就話請我食飯報答我，仲話佢老公（杜汶澤）煮嘢好犀利，聽到我流晒口水，但佢仲未請。」談到拍攝進入尾聲，問完成後會否放長假陪家人旅行，他就指媽媽不宜舟車勞頓：「都要坐低諗吓之後點發展，要計劃吓。（同女友陳凱琳去旅行？）去完我再話畀你哋知！」
來源 source: http://hk.on.cc
|
鍾意就快D Share啦！
|
|
|