今日莊端兒於尖沙嘴一間酒店開記招，事前外間以為佢會數臭聲稱性上癮要求醫嘅張致恒，點知原來係交代佢同(前)經理人諸葛紫岐再無合作關係。不過，傳媒仍就其緋聞繼續追問，特別係，在記招前分別爆出莊端兒曾結婚，同之前曾戀上有婦之夫Peter，會上莊端兒拒絕回應，並稱:「有人爆料，唔好將人哋嘅喜好，走嚟問我，其實一直以嚟呢，我覺得自己好似林榮基咁，我乜嘢都唔可以答。」至今午五時左右，莊端兒於ig承認曾結婚一事:「今天在記招上，已清楚交代我最近的情況，詳情請看我今天記招上的聲明。「有記者指有人爆料我曾經婚，我的確結過婚，婚姻維持了很短時間，後來離婚了。
我並不認為我曾經結婚是黑材料，所以，所謂爆料者如果想藉此抹黑我，我只覺得可笑。「在此提醒一下爆料者，今天我的記招集中交代我已經提出終止跟我經理人諸葛紫岐小姐合作關係。請爆料者好自為知，不要再企圖混淆大家視聽。」至於未知是否「ex」的張致恒，接受《蘋果》電話訪問時，就淡然謂:「我知佢結過婚，係響我地拍拖之前嘅事，唔係秘密黎架！佢公司都知0架！佢同佢前夫以前同諸葛紫岐兩公婆仲有一齊打麻雀0架！」之後再補充謂：「我OK啦，努力做運動，咩都唔諗住，做好自己先。」似乎復合暫無望。
來源 source: http://hk.apple.nextmedia.com
|
鍾意就快D Share啦！
|
|
|