網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月6日 星期四

曾國祥得獎靠古仔 [壹週刊 - 1387] __,古仔,曾國祥,古天樂,M1,

同你吟一吟曾國祥得獎靠古仔暑假檔前後,古天樂有份演出嘅電影,票房加加埋超過12億人仔,其中同導演林德祿再合作嘅《S風暴》,上咗兩week,中港澳三地炒埋票房亦過咗2.5億港紙,老闆黃百鳴上星期五(九月三十日)搞慶功,開心到攞咗六位數出嚟俾大家抽。除咗抽現金,仲有玩Bingo環節,獎金由100到1000蚊不等,中咗要抽信封決定獎金,女主角蔡少芬好快就搞掂,點知只係抽到最低消費100蚊,當堂扁晒嘴。當 ...


同你吟一吟

曾國祥得獎靠古仔

暑假檔前後,古天樂有份演出嘅電影,票房加加埋超過 12億人仔,其中同導演林德祿再合作嘅《 S風暴》,上咗兩 week,中港澳三地炒埋票房亦過咗 2.5億港紙,老闆黃百鳴上星期五(九月三十日)搞慶功,開心到攞咗六位數出嚟俾大家抽。

除咗抽現金,仲有玩 Bingo環節,獎金由 100到 1000蚊不等,中咗要抽信封決定獎金,女主角蔡少芬好快就搞掂,點知只係抽到最低消費 100蚊,當堂扁晒嘴。

當晚男主角古仔同 Chilam張智霖,都有份上台做抽獎嘉賓,十個 2000蚊現金獎,一人抽五個,不過,喺戲入面做 ICAC嘅古仔,竟然造馬,抽冧把變摷冧把,弊在搵極都唔啱心水,直到佢放棄,真係抽,又竟然俾佢抽到自己友曾國祥。

曾國祥執導嘅《七月與安生》喺內地上映大半個月收 1.6億,又入圍十一月尾舉行嘅金馬獎「最佳導演」,仲要抽到現金獎,起運

古仔裝來裝去,都搵唔到自己友啲冧把,最後唔造馬,先一嘢抽中有份爭金馬獎最佳導演嘅曾國祥。

蔡少芬玩 Bingo贏咗,但只抽到最低獎金 100蚊,好過冇

撰文:八珍


鍾意就快D Share啦!