熱爆娛樂: 同老公分居　失踪玉女黎明詩　轉性拖 TB住埋 [壹週刊

2016年10月6日星期四

同老公分居　失踪玉女黎明詩　轉性拖 TB住埋 [壹週刊 - 1387] __,黎明詩,M1,

已經五張的黎明詩，與密友 Kelly出雙入對，今年中兩個孖住去睇關淑怡個唱，她倆在朋友圈是公開的一對。

探熱針

同老公分居　失踪玉女黎明詩　轉性拖 TB住埋

近年不少八十、九十年代歌手均被出土，復出開騷甚至錄歌出碟，但玉女歌手黎明詩則堅拒再踏出幕前。九八年收山嫁人，到○四年同老公分居的她，已轉性與一名有米 TB共賦同居。有人照顧，晚晚蒲，唔使做！

轉做保險

數九十年代玉女，掌門人周慧敏無人能及，而一度同鄭秀文硬撼的黎明詩，當時亦是宅男女神。長髮兔仔牙，走清純日本風的她，只出了幾張唱片後下嫁銀行高層 Eric Fung，便離開娛樂圈；其時試過轉行做保險，但老公搵到，黎明詩索性專心做闊太。

好景不常，婚姻關係維持了六年，二人於○四年分居。回復單身後，黎明詩不乏追求者，其中有本事打動她芳心的，包括一位 TB密友。

「 Stephanie（黎明詩）以前讀女校，中學時期都有女仔追過佢！佢同老公冇小朋友，大家亦一直冇正式辦離婚手續，之後 Stephanie都係同女仔玩，呢幾年仲同個叫 Kelly嘅 TB一齊， Kelly係《沒女》主持 Queenie Chan嘅生意 partner，都識好多圈中人。」知情人說。

當年影水著，似足日本妹的她性感得嚟不失清純，換轉今日就係宅男女神。

98年下嫁銀行家 Eric Fung，但婚姻於 04年已觸礁，有指兩人至今未正式辦理離婚手續。

2/10

上週日晚，黎明詩孖同性密友 Kelly在尖沙咀出席飯局，從商的 Kelly，照顧黎明詩無微不至。

當晚由七點玩到凌晨三點，走時仲拖住密友 Kelly上車，之後一同返九龍塘「愛巢」。

先拖後繑

已經五十歲的黎明詩仍喜愛夜蒲。本週日（十月二日），她與密友 Kelly約埋大班朋友到尖沙咀晚飯直落；雖然已是五張熟女，但身形冇大變，算 keep得不錯。

席間， Kelly十足男主人，熱烈招呼在場友人，表現主動。玩到半夜兩點終於散 band，步出餐廳時，黎明詩跟 Kelly有默契地保持一定距離；但見街上途人不多，加上 Kelly飲咗唔少，黎明詩愈行愈埋，落斜路時更細心拖住，之後二人索性繑住行。

今年黎明詩五十歲生日，密友 Kelly為佢炮製易服派對，要女扮男裝。

為給生日的黎明詩驚喜，捧住蛋糕的密友 Kelly，秘密請來兔女郎與她齊跳辣舞助興。

與 Kelly一起前， 06年曾偕「前度」 TB去活動。

07年與「前度」 TB睇草蜢演唱會。

黎明詩同老公甜蜜過，但離異後令她不再相信男人。

關係公開

事實上，二人的親密關係在朋友圈中並非秘密，黎明詩今年生日， Kelly為「女友」舉行易服派對，全場女賓穿上男裝、畫鬚上陣， Kelly更刻意請了一位性感兔女郎到場助興，席上，黎明詩被兔女郎磨爆，氣氛㷫烚烚。

「 Stephanie爸爸係粵劇老倌黎家寶，家境唔錯，屋企人已經去晒英國，加上佢都一把年紀，冇乜包袱。佢同 Kelly而家一齊住喺畢架山，有人照顧供養， Stephanie根本唔使做，除咗去蒲，佢就約唔同朋友，邊個得閒就搵邊個，真係 hea過！」知情人說。

當年以歌手身份影水著，唔只破格，仲索到爆。

蒲足廿幾年的她，當年蒲腳有已故的梅艷芳及杜貞貞、上山詩鈉等。

07年黎明詩露前露後性感出席一個公開活動後，生活變得低調。

直到現在，她依然一星期落幾晚酒吧玩，蒲性不改。

華裔小姐冠軍

在英國讀書期間，黎明詩與胞妹黎杏心齊齊參選當地華裔小姐，結果兩姊妹一起當選，黎明詩獲冠軍，妹妹攞亞軍。

回港後，做過 model，之後拍過由惠英紅、吳君如、陳雅倫及柏安妮等掛帥的電影《霸王花》及《四大家族之龍虎兄弟》等， 91年轉戰樂壇，胞妹黎杏心則專心於設計工作。

加入樂壇後，黎明詩被唱片公司塑造成清純玉女，但骨子裡她性格開放又玩得，是蒲精一個。雖然扮玉女，但又破格影泳衣照，更不時以性感背心晒事業線出席活動。

據稱黎明詩父親是粵劇界老行尊黎家寶，家境富裕，有事業線的她冇事業心； 98年婚後淡出，做過一陣子保險後，全情吃喝玩樂。

當年她與妹妹黎杏心，以靚絕姊妹花姿態齊齊選美兼攞獎。

88年，黎明詩（右一）以新人姿態拍住陳雅倫、吳君如等主演的電影《霸王花》。

由廿幾歲蒲到五張的黎明詩，飲酒多，身形有些浮腫。

劈得又吹得的她，當晚由室內玩到室外。

同鄭秀文撞歌

91年加入樂壇的黎明詩，因為眼大大有爆牙似㗎妹，曾被當時四大唱片公司之一的 EMI力捧，其時，同公司新人還有港姐李美鳳。出道頭炮已有成績，在港台十大文金曲頒獎禮的「最有前途新人獎中」，跟出名唱得的韋綺姍同奪銅獎，同屆銀獎是劉錫明，金獎則是由台灣紅到返香港的郭富城。

黎明詩 hit歌唔多，其中有《 Goodbye My Love》、《停不了的愛》， 93年有首改編自日本歌的《敢恨敢愛》，跟鄭秀文的《衝動點唱》鬧出雙胞胎，論人氣及成績，黎明詩當時實在不及鄭秀文， 94年出完最後一張唱片，便冇再留低。

當年她跟同期的韋綺姍同奪港台新人銅獎。

當年跟吳國敬同屬 EMI旗下。

直變攣

圈中不少女星受情傷後，覺得男人靠唔住，轉揀同性做避風港，由直變攣。

關菊英

82年閃嫁黎小田，但二人婚姻僅維持兩年。 06年被發現戀上已故「公仔麵大王」周文軒姪女周偉利 Wille， 09年大方公開關係，並坦言視對方為終身伴侶。

金燕玲

先後經歷過兩段婚姻， 81年與采蝶軒老闆梁廷斌離婚後， 89年再嫁老外並育有一女，可惜仍是離婚收場。其後搭上密友蘇施黃，同性情侶關係十分坦蕩蕩。

陳梅馨

過氣女星陳梅馨，試過被前度溫兆倫公開追 14萬情債，又介入過「黑仔」姜皓文婚姻，感情飽歷風霜。三年前轉軚，與有米 TB Michelle同居。