網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月16日 星期日

陳豪:陳豪抱細女探張嘉兒B女?! __,張嘉兒,陳豪,

究竟係咪Camilla嚟架?藝人張嘉兒九月頭升呢為人母,為圈外老公NathanLau誕下B女Leora後,暫時做住全職媽咪湊囡囡,連上星期好姊妹岑杏賢生日飯聚,嘉兒都冇出席,留喺屋企做廿四孝媽咪。喺圈中人緣甚佳嘅嘉兒,原來之前已經有唔少好友去探Leora,包括陳茵媺兩公婆、岑杏賢、湯洛雯、蔣家旻、曹敏莉、戚黛黛、朱凱婷、陳芷尤、楊卓娜同張美妮。而今日嘉兒將啲相整成拼圖甫上微博,留言話:「Leora ...


究竟係咪Camilla嚟架?

藝人張嘉兒九月頭升呢為人母,為圈外老公Nathan Lau誕下B女Leora後,暫時做住全職媽咪湊囡囡,連上星期好姊妹岑杏賢生日飯聚,嘉兒都冇出席,留喺屋企做廿四孝媽咪。

喺圈中人緣甚佳嘅嘉兒,原來之前已經有唔少好友去探Leora,包括陳茵媺兩公婆、岑杏賢、湯洛雯、蔣家旻、曹敏莉、戚黛黛、朱凱婷、陳芷尤、楊卓娜同張美妮。而今日嘉兒將啲相整成拼圖甫上微博,留言話:「Leora is one lucky , extremely blessed baby! 寶寶多謝咁多位哥哥姐姐來探佢和送給她的禮物。」

其中一張相有陳茵媺同老公陳豪,與嘉兒份屬好友嘅茵媺抱住Leora,而陳豪手上都抱住個B女,有網民就即刻估個B女係咪傳說中嘅小公主細女Camilla!《東網》之前都影過陳豪一家五口出巡,當時仲影到Camilla個靚樣,但嗰時已經係幾個月前嘅事,BB大得快樣都變得快,唔知陳豪抱緊嘅係咪Camilla嚟嘅呢?


來源 source: http://hk.on.cc
鍾意就快D Share啦!