之前，方中信接受親專訪，一講到莫可欣，就笑笑口話老婆一直定過抬油，因為知道老公喺大陸根本做唔到啲乜嘢。大家就會諗喇……咦，方中信成個李察基爾咁款……
莫可欣係港姐冠軍，不過就呢……咁啦。
莫可欣點樣照顧好個女，供書教學做個好媽媽未必有人關心，反而想知佢係如何食住方中信。首先，方中信話自己目標係搵錢，所以即使大陸幾多「小鮮肉」都好，方中信自言，五十幾歲人，唔需要小鮮肉埋身。 (新聞連結: http://bit.ly/2egggIK )而且，方中信自己都話，莫可欣其實好聰明：「其實佢好醒目，永遠唔會問我同check我，亦唔會嘮叨，偏偏我性格反叛，你越唔問我，反而令我調番轉頭打電話畀佢，問佢點解唔打電話畀我，嗰種感覺真係幾sweet。」(新聞連結: http://bit.ly/2dns4vW )原來呢招真係Work。方中信同莫可欣結婚8年，加埋熱戀期，夾夾埋埋都近廿年。莫可欣當年捱咗方中信舊愛一巴都忍咗佢，男嘅唔感動就假。「佢唔靚，但好包容」，7個字講晒。今日周刊刊登嘅訪問中，方中信酸酸的講咗個事實……佢話，自己一年有一半時間喺大陸，但唔覺得妻女好掛住佢。方中信真係有啲葡萄咁話，覺得自己唔喺香港嗰陣，老婆同個女仲Free仲多嘢玩，一陣去下行街街，一陣去下學騎馬。而佢就一支公開工，食飯，收工。強國女星，佢無福消受。佢聲稱。令人J到出血嘅方中信，骨子裡其實都係一個大細路。 
|
鍾意就快D Share啦！
|
|
|