第五場二班泥地賽事發生「落樓」意外，本地華將梁家俊策騎「卡加動力」入直路初段遇意外墮下，被直接送往威爾斯親王醫院。據悉梁家俊曾一度失去知覺，但之後情況有改善，暫知已恢復知覺及醒番，面部及耳仔有割傷，並曾經有腦震盪。
梁家俊老婆靚女人妻李潔瑩(阿Kit)，日前喺賽馬直擊節目中疑似同另一主持王若舜鬧交，期間更未熄咪就爆粗，嗰句「Sorry，我冇L...」就咁出咗街，片段出街之後迅即成為網上熱話，而阿Kit亦停止主持職位，本來就同老公梁家俊展開生B計劃，但事隔一日，梁家俊今午第五場策「卡卡動力」又有落樓事件，認真禍不單行。
梁家俊曾一度失去知覺，但之後情況有改善，之後四時三十分馬會透露梁家俊最新傷勢，暫時梁家俊臉及耳仔割傷，雖然曾有腦震盪，但第一次電腦掃瞄後無問題，為安全計會作第二次檢驗。而我哋記者打過電話俾梁家俊老婆阿Kit，不過電話就飛咗去留言暫時未接通到，所以仍未能在阿Kit口中得悉梁家俊的最新情況。
來源 source: http://hk.on.cc
|
鍾意就快D Share啦！
|
|
|