欣宜喺佢嘅入行九年，處女演唱會《女神有問題演唱會》，唱到《無表面痕跡》前，欣宜有感而發:「大家都覺得我好堅強，冇嘢解決唔到，但其實都會有問題係解決唔到嘅。我曾經跪喺佢面前，求佢唔好走，將自己嘅尊嚴都放低，但佢始終都係走囉。之後我個人變晒，人生冇咗自己，照鏡都認唔到邊個。我可以崩潰去到呢個地步，估唔到我可以跌到呢個地步。」「如果唔開心，應該要盡量發洩。失戀係冇乜問題嘅，但係要記住，做人要有始有終。我同佢開始嘅時候都有首歌做紀錄，同佢結束嘅時候都應該有首歌紀錄。」之前欣宜就同許廷鏗去咗加拿大拍咗條片，喺肥姐墳前拍咗一條片，佢話：「我知道你會睇住我，我都想爭氣，個騷中間有好多波折，但o依家都算爭氣。」許廷鏗專程搵咗欣宜嘅朋友拍咗片畀佢睇，欣宜喺肥姐墳前睇到喊出嚟。
| （攝影：仇志德） | | |
| | | |
| |
來源 source: http://s.nextmedia.com
|
鍾意就快D Share啦！
|
|
|