韓劇《任意依戀》男星金宇彬今晚喺澳門舉行粉絲見面會，不過佢今次就認真多阻滯，先係因颱風「海馬」而被迫滯留仁川機場，要同今早先飛抵澳門，晚上開騷前又發生小意外。金宇彬喺澳門威尼斯舉行嘅粉絲見面會原定傍晚6:30開騷，不過有網民就向本報投訴，話等咗幾個字都唔見開騷，而且網民仲提供現場照片，從照片中可見現場嘅入座率都只係得三成，根據網民所指金宇彬方面似乎因為見現場人數寥寥可數，所以就扭計遲遲唔肯出場，似乎係想「等齊人」同埋個場面熱鬧啲先肯見粉絲。而據知經主辦單位協商後，金宇彬終於喺7時左右以全白造型現身，不過笑容就唔多燦爛，可以因為係想再「等齊人」先開騷，不過唔知觀眾係唔係因為之前打風，所以就取消咗今次嚟澳門捧場，加上呢次澳門騷舉行得好匆忙，門票本周初先公開發售，所以搞到場面先咁冷清。
來源 source: http://s.nextmedia.com
|
鍾意就快D Share啦！
|
|
|