張達倫結婚喇！
無綫處境劇《愛．回家》中飾演律師「嚴謹」的藝人張達倫與太太陳鳳玲舉行婚禮，在深灣遊艇會筵開二十席，出席的圈中人包括楊明、莊思明、莊思華、高海寧、湯洛雯、岑杏賢等。張達倫與太太出來見傳媒時，兩人當眾恩愛咀嘴，張達倫更咀到抹晒汗，非常搞笑！
張達倫指太太怕醜，所以自己一個接受傳媒訪問，他謂太太是圈外人任職文職，兩人是中學同學，已認識了十多年，之後再碰面後便拍拖，兩年後再拉埋天窗。
向徐榮取經生仔
講到「造人」大計，張達倫表示：「希望出年造個人仔，但係要拍《深宮計》忙到六月，希望爬兄弟黎諾懿頭做老竇！（生幾多個？）一個夠喇，自己仔女都冇所謂，如果為屋企人就想生男仔，因哥哥已經生咗個女，生仔媽咪會開心啲，自己生唔到咁多，過幾年都四十幾歲。（有冇向徐榮取生仔經？）有呀，佢教我飲醉酒造人會好啲。（今晚不醉無歸？）唔會，唔想出醜。（去邊度蜜月？）日本。（唔驚有輻射？）影婚紗相已經去咗歐洲，蜜月想喺亞洲，依家專心搵錢養B先。」
接新娘嗌救命
張達倫與太太的兄弟姊妹團共有十六人，圈中人包括黎諾懿、朱滙林、徐榮。問到開門利是多少？張達倫說：「在心中啦，今朝接新娘玩遊戲都玩到叫苦連天，要除鞋用腳趾喺冰水度挾麻雀，凍到腳痹，仲要着充氣道具衫跳蓮步舞。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|