網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月24日 星期四

拆解小三劉佩玥四大絕招 網民嬲爆 __,劉佩玥,小三,

劉佩玥做「最強小三」大耍手段勾引人夫黃宗澤,網民真係睇到嬲爆呀!好多女人聽到「小三」呢兩個字,都會咬牙切齒,尋晚播出嘅嗰集《幕後玩家》,就完美刻劃咗小三嘅可恨之處。話說黃宗澤飾演嘅Sheldon,終於畀老婆龔嘉欣發現咗原來佢一直有小三劉佩玥,嘉欣仲崩潰咁喊住問:「究竟我做錯啲咩?」呢一幕真係睇到網民心都痛埋,忍唔住係咁鬧小三劉佩玥賤格!究竟呢位由劉佩玥飾演嘅小三Emma憑咩手段步步進逼大婆,企圖坐 ...




其他影片:>>






劉佩玥做「最強小三」大耍手段勾引人夫黃宗澤,網民真係睇到嬲爆呀!

好多女人聽到「小三」呢兩個字,都會咬牙切齒,尋晚播出嘅嗰集《幕後玩家》,就完美刻劃咗小三嘅可恨之處。話說黃宗澤飾演嘅Sheldon,終於畀老婆龔嘉欣發現咗原來佢一直有小三劉佩玥,嘉欣仲崩潰咁喊住問:「究竟我做錯啲咩?」呢一幕真係睇到網民心都痛埋,忍唔住係咁鬧小三劉佩玥賤格!究竟呢位由劉佩玥飾演嘅小三Emma憑咩手段步步進逼大婆,企圖坐正大婆位置?myTV SUPER Facebook就上載咗段片,拆解最強小三Emma究竟使出邊「四大絕招」嚟拆散人哋家庭!

讚小三手段高明

首先第一招係「盜取大婆財物」,劇中Emma經常借故接近龔嘉欣飾演嘅Carmen,有一次佢偷走咗Carmen支唇膏,最過分係搽完Carmen支唇膏後,再錫埋人哋老公Sheldon,仲問Sheldon支唇膏香唔香,真係有網民眼火爆話想大巴摑Emma,又鬧黃宗澤咀小三嘅時候,有冇一刻諗起老婆Carmen?

咁都未夠,當Carmen開始當Emma係朋友之後,Emma就使出第二招「扮大肚博同情」,Emma約Carmen出嚟食飯,扮晒作嘔作悶,咁Carmen當然問佢咩事啦,見佢作嘔作到面容扭曲,自然問佢係咪有咗,佢就陰陰嘴答係,仲叫Carmen幫佢保守秘密,真係高招,難怪網民鬧佢嘅同時,都忍唔住讚佢:「小三手段真高明!」

同大婆攤牌

當兩大絕招都使出之後,Emma就開始部署第三招「懶體貼搶老公」,係人都知女人可以同人分享美食,甚至靚衫都可以Share着,但講到老公,就一定冇可能同第二個女人分享。但道德淪亡嘅Emma竟然提出同Carmen分老公,Emma又專登講啲好Hurt嘅說話刺激Carmen,Emma話Sheldon請佢,係想日日都見到佢,仲話Sheldon成日叫自己陪佢,不過佢自己就有叫Sheldon返屋企陪老婆!

聽到呢度,Carmen已經開始崩潰,Emma可以話係奸計得逞。到咗呢個位,網民直頭話想攞把「斬狐刀」出嚟滅妖,亦有網民話:「可能佢演技好啦,我依家真係好憎劉佩玥!」不過大多數網民都係鬧小三,反而Sheldon就少啲人鬧,有網民仲好同情佢咁話:「唉,Sheldon只係犯咗天下男人會犯嘅錯!」乜真係咩?

紛紛咀咒小三

至於最後一招就係「妄想登堂入室」,亦係網民睇到最牙癢癢嘅一招,已經破壞緊人哋家庭嘅Emma,竟然可以喺Sheldon面前扮晒嘢,話自己唔係想破壞佢家庭,只係想陪喺佢身邊,仲大拋金句話:「點解我可以接受佢(Carmen)嘅存在,佢唔可以接受我?」就係呢句令網民嬲到震,網民唔止戥Carmen唔抵,仲紛紛留言咀咒Emma玩得火就要預咗會畀火燒死!睇到呢度,不禁想嘆番句「女人何苦為難女人呢?」唉!

網民有話兒:

Hui CXX Ling:發現龔嘉欣啲戲其實都幾好

BrXXX Cho: 每個角色都好鮮明,隨住故事發展每個都响(響)度轉變。非一般無線(綫)電視劇,非常好!!

SaXXXa KXo: finally see the evil side of moon LOLOL

Elmo XXi: 一隻手掌拍唔響,小三錯,男主角更加錯

Koo SXXXXha:Emma猶如飛蛾撲火,何必呢??愛他放了他,害了他你真的會開心嗎? 有一天你會後悔的。

純XXX雯:做女人做到佢咁,真係好衰格

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!