歐倩怡嫁咗郭晉安十年，呢十年入面專心相夫教子、買餸煮飯，但老公市值七千萬嘅物業佢全部無份。其實婚後齋講心，堅持財政獨立嘅圏中夫妻，又點只郭晉安歐倩怡呀，仲有以外幾位！
當年鄭伊健同邵美琪拍拖，其時部分物業已加女方名，但之後二人分手。作為補償，伊健決定全數轉贈邵美琪，但亦從此吸收教訓，所以一三年同蒙嘉慧結婚之嚟，伊健名下物業全部都無老婆份，直到早前慶祝結婚三周年，伊健先豪返次，送架80萬座架俾蒙嘉慧。
至於黎瑞恩嫁俾曾智明十一年，咁多年嚟都無物業揸手，可以話係有名無實。直到一四年離婚，更一度為贍養費同前夫講數。
仲有葉子楣，簡直係無名無份，事關佢九二年為脊醫男友呂錫照淡出娛圏，拍拖廿四年嚟唔只冇錢過手，就連同居嘅蔚豪苑都係女方自置物業，反而男方名下嘅二千幾萬住所同名車，全部都落晒前妻所生兒子嘅名。
來源 source: http://s.nextmedia.com
|
鍾意就快D Share啦！
|
|
|