牙佬袁偉豪同岑杏賢宣佈分訊。
花曼王君馨同拍拖11年嘅圈外男友宣佈婚訊。
一個分一個婚，兩件事竟然有交疊之處？
王君馨成為袁偉豪分手導火線？
噚日又話係龔嘉欣嘅？咁爆？即係咁，今日有周刊報道稱，王君馨係袁偉豪同岑杏賢分手觸發點……唔好諗多咗，唔係大家諗嗰樣嘢，唔係。
件事要由台慶夜當晚講起，上述三位主角都有出席，影大合照時，花曼牙佬企埋一齊，岑杏賢企後面。花曼牙佬又有份演出（嚴格而言唔係一個演出…）王君馨企喺袁偉豪身後扮佢嘅「影子」，用女方嘅手代替男方action，期間王君馨隻手不自覺地攬住袁偉豪條腰，來得相當自然而親熱……兩人仲sweet sweet selfie。然後，當晚有傳媒影到，台慶完騷後，袁偉豪、岑杏賢同高海寧、唐詩詠等人拉隊去坑口村大牌檔食宵夜，當時袁岑二人已經貌合神離面左左，女嘅係咁黐住唐詩詠，袁偉豪要求佢坐自己身邊，岑都唔肯；袁輕輕掂下手臂，岑即面色一沉；之後袁偉豪再不停夾餸俾女友，盡力討好，岑依然冇俾好面色佢睇。換言之，當時其實袁偉豪仲係氹緊女友。
但第二日，即11月20日，兩人宣告分手。岑杏賢就連袁偉豪IG都unfollow埋。
王君馨無辜中槍。【個心有條刺？】岑杏賢不滿男友多女埋身 龔嘉欣樂瞳榜上有名
http://bit.ly/2g61mqj
來源 source: http://s.nextmedia.com
|
鍾意就快D Share啦！
|
|
|