揭盅成為「最佳女配角」前一日，龔嘉欣為新劇開工時，表現得心不在焉。
娛樂偵訊
同陳凱琳爭仔 開正龔嘉欣強項
有鋪爭仔癮的龔嘉欣，在無綫劇《幕後玩家》一喊成名，更成功打低王君馨，在《萬千星輝頒獎典禮 2016》勇奪「最佳女配角」，時來運到，得獎後，龔嘉欣更獲公司下旨，在拍攝中的新劇《平安谷．逐個捉》大幅加戲，同女主角陳凱琳大鬥法，爭仔！
神色凝重
大台《萬千星輝頒獎典禮 2016》前一日（十二月十七日），龔嘉欣孖住陳凱琳現身鹿頸，為新劇《平安谷．逐個捉》開工。現場所見，一身民初造型的龔嘉欣，一直機不離手講電話，而且全程神色凝重，直到工作人員準備好要演員試位，她才急忙收埋電話，對手陳凱琳見狀，亦主動搞爛 gag氹龔嘉欣。
攞獎加戲
出道八年，龔嘉欣近兩年多了機會，可以由閒角變做女配角，之前在《幕後玩家》中演出多場喊戲，更獲網民盛讚是「世界級演技」，如今拎埋「最佳女配角」，大台食住個勢谷她上位，即時在新劇《平安谷．逐個捉》勁加戲。
「套劇背景係封建時代嘅村落，黃浩然要周旋喺八個女人之間， Grace（陳凱琳）做佢老婆，嘉欣就做侍婢，喺劇中同 Grace爭黃浩然，好有火花！雖然嘉欣仲係做配角，不過戲份就同 Grace差唔多，而且好有發揮，嚟緊仲會特別再加一兩場喊戲俾嘉欣添！」劇組工作人員說。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|