(新增內容)《蘋果》謝偉俊被影到同3位友人喺銅鑼灣happy hour，走嗰陣佢對同行嘅短裙女一時輕掃長髮，一時又夾到實，明明自己都醉到行唔到，謝生仔堅持護送埋對方上的士，真係gentlemen到呢（相關新聞： http://bit.ly/2gYBGP0 ）！呼籲香港年輕人做「兵」以解決香港房屋問題嘅謝偉俊，噚日都俾網民(即係花生友)笑佢本人都係「兵」。噚日謝生喺立法會都有回應呢件事，佢聽完就哈哈笑，仲話件事已經係上個月發生，當日係有班朋友飲嘢、farewell其中一人，佢仲笑言：「都唔知有咩好報（道）。」雖然係咁，相信好多人都想知呢位短裙女係邊位。據知，呢位女士係田北辰嘅議員前助理Chloe Chung，據資料顯示，呢位Chloe今年26歲，2009年女拔畢業，之後就去咗英國嘅基爾大學（Keele University）修讀國際關係與國際事務（Bachelor of Arts (B.A.), International Relations and Affairs），2012年學士畢業後，2014年再喺香港大學修讀碩士學位。至於工作經驗，Chloe就曾經喺新民黨同匯賢智庫做過暑期工，仲喺香港航空做過客戶服務工作，不過只係做咗3個月，就轉投田北辰嘅議員團隊做議員助理，資料仲顯示佢喺前年仲升埋做高級議員助理，可惜已經離職，唔知幾時再見呢？據了解當日尚有一些與謝偉俊在地區事務上有合作的人士在場，強調討論的都是公事，「只係幾個同謝律師有合作嘅朋友，大家搵個比較輕鬆嘅地方，一齊傾吓地區事務，交流吓經驗。」
|
鍾意就快D Share啦！
|
|
|