有線前新聞王子李潤庭今日驚爆背住空姐老婆同小三喺赤柱摸pat濕吻，跟住仲帶埋返屋企，事後第三者俾人起底，原來佢同正印係同一間航空公司，不過0依家已經做咗人妻兼有一對小朋友，甚至話佢哋認識超過10年。雖然李潤庭事後認錯，話太太都知道呢件事，目前同太太相處有啲問題，需要時間去處理，離婚呢個決定權喺太太Crystal手上。雖然係咁，但李潤庭個IG，已經刪咗佢上月24號貼圖慶祝結婚五周年嗰張相——其他同太太嘅合照就冇事。咁點解只係刪呢張？因為周刊踢爆咗佢，喺貼完呢張圖翌日，就帶咗女友返家——當然Crystal嗰陣已經飛咗。偷食事件爆出，有網民喺討論區留言話查實都唔知李潤庭係邊個，好似有好多媽咪級網民嘅「親子王國」，有唔少人鬧爆李潤庭同小三，有啲人以為佢係一個好男人，偷食仲要偷到返屋企，戥佢老婆可憐。之後仲有人去咗李潤庭嘅fb留言，鬧爆佢係賤男！亦有唔少網民將李潤庭同李治廷搞亂咗……人哋李治廷去咗賺人仔，李潤庭依家就去咗北京拍嘢，唔好撈亂喎。網民留言
「偷食已經賤，無面俾仲帶回家當老婆無到，hurt爆」
「男主角仲要回應話老婆知小三存在，賤+賤，再大方的女人，也沒理由接受老公和小三在自己屋企自己張床上偷情掛，好慘」
「最狗係話老婆都知佢有呢個女人，仲要侮辱老婆，好似無錯咁。」
「老婆知都唔同我離婚，so？佢可消失㗎喇！」
來源 source: http://s.nextmedia.com
|
鍾意就快D Share啦！
|
|
|