麥明詩、蔡思貝、安俊豪、陳家樂等等，噚晚去到屯門出席一個倒數活動，麥明詩就超性感低胸上陣，就連麥爸爸都有嚟到影囡囡喺台上嘅表現，麥明詩嘁台上唱出《青春頌》同《LOVE》，今次係佢第一次喺台上唱歌，佢就話自己好緊張。兩女喺台上胸頂胸，原來唔係為比拚身材，而係玩遊戲扮鬼臉引對方笑，但兩個都失敗，蔡思貝仲笑言佢兩個好似調情咁。麥明詩仲講出佢嘅新年願望，佢話：「今年係入行第一年，都經歷好多起伏，喊過後都會繼續努力工作。」日前有報道話麥明詩身邊出現劍橋同學兼藥房太子爺Thomas Chong管接送，而佢嘅外型、家族背景同林作相比都唔差。原來麥明詩同梁頌昕去溜冰當日，Thomas都有去！(新聞連結: http://bit.ly/2iQQzoH )訪問嘅時候，問麥明詩係唔係有新戀情？佢就話唔係新情人，而係識咗好耐嘅朋友：「都唔會發展，因為識咗好耐喇，太熟喇，身邊啲朋友都傳過晒，男仔都怕咗我，之前出去玩，問到有冇男仔坐我車，個個都怕咗我。」至於林作都讚對方好男仔，麥明詩就話：「好唔好就好主觀嘅，我都覺得佢好男仔嘅。」新一年會唔會想拍拖，佢就話年經仲細，都係以事業為重，隨緣。蔡思貝嘅爸爸都有嚟到，同麥秋成分咗手嘅蔡思貝就唱出《少女的祈禱》同《明日恩典》，但就甩咗四次嘴，喺唱《少女的祈禱》嗰時，蔡思貝就祝大家新一年，可以喺對的時候遇上對的人。
| 攝影:馬建華 | | |
| | | |
| | | |
| | | |
| | | |
|
鍾意就快D Share啦！
|
|
|