掃呢頁CODE去手機

2017年1月16日 星期一

周冬雨魔咒找數三年 余文樂認愛即中招 __,周冬雨,余文樂,

呢件事學到嘅嘢就係,唔可以亂咁起咒。我Nuts哥成日都同啲老友講,做男人最緊要唔好短!志短梗係人窮啦,好似喺元朗長大嘅余文樂咁,佢就真係一啲都唔短嘞!以前喺元朗波地打籃球打到出晒名,網民仲話佢係NBAFishermanLok喎!轉身射個三分波,由元朗波地殺入娛樂圈,打掉門牙連血吞乜都撈,抵佢一架又一架靚車咁換!生活質素升呢,余文樂溝女同買車一樣,愈追愈升呢!早排佢被踢爆同台灣皮帶大王嘅千金王棠云拍 ...


呢件事學到嘅嘢就係,唔可以亂咁起咒。

我Nuts哥成日都同啲老友講,做男人最緊要唔好短!志短梗係人窮啦,好似喺元朗長大嘅余文樂咁,佢就真係一啲都唔短嘞!以前喺元朗波地打籃球打到出晒名,網民仲話佢係NBA Fisherman Lok喎!轉身射個三分波,由元朗波地殺入娛樂圈,打掉門牙連血吞乜都撈,抵佢一架又一架靚車咁換!

生活質素升呢,余文樂溝女同買車一樣,愈追愈升呢!早排佢被踢爆同台灣皮帶大王嘅千金王棠云拍拖,去台灣食碗牛肉麵,去美國就鋸個扒,拍拖搭飛機多過行路咁滯!我Nuts哥絕對唔會懷疑佢今鋪玩認真,皆因佢出奇地自行招供放閃,大晒同王棠云睇日落嘅相,仲風騷到用雞腸留言:「invincible,the brighter future!」呢句英文解讀係為:「無敵,光明的未來!」但我Nuts哥睇到嘅係:「正嘞呢鋪,一天光晒」點解?擺明王棠云呢條皮帶勒到樂仔都好實吓,分分鐘成為皮帶大王女婿,由元朗NBA Fisherman Lok升呢做皮帶大王女婿喎,仲唔一天光晒咩?點知,就係捉蟲嘅開始!

網民鬧爆吸金抽水

因為余文樂舊年返內地拍戀愛真人騷,同細自己11年嘅周冬雨做情侶,仲話佢哋假戲真做擦出愛火花,曾經錫晒面珠肉緊到玩互咒,周冬雨話:「三年之內除咗我,其他人睇你唔上眼,仲要嚴重到見到你就走!」余文樂就咒番周冬雨:「你呢三年日日都會掛住我,但又唔會見到我,掛死你!」雖然話係節目效果啫,但真係唔好亂咁發誓落咒,個咒語太強,加上網民好pure好true當正佢哋真拍拖!依家余文樂攬住王棠云睇日落話係樂嫂喎,大佬,你當日攬住周冬雨睇日出㗎!成班網民狂鬧余文樂利用周冬雨做擋箭牌兼成日抽水,仲有人發起要抵制佢返內地吸金,擺明應驗「見到你就走」呢個魔咒!

拋肉晒肌轉移視線

壞人衣食猶如殺人父母,雖然邁向皮帶大王女婿之路啫,余文樂當然詐晒型反擊網民話點解說話咁傷人點知愈整愈衰,「連坐法」效應又嚟嘞!王棠云被人狂鬧起埋底不特止,連皮帶大王都遭殃,突然傳出佢經濟環境唔係大家想像得咁美好喎!明明話係「皮帶千金」嘛,但依家分分鐘只係「皮蛋千金」,就等於余文樂當年自爆有日去買三個豬柳蛋漢堡,買完先知入面根本冇豬柳,得番包皮同雞蛋一樣!走又唔係,唔走又唔係,係咪點都要博一鋪呢?余文樂隨即改變策略玩「拋肌忍辱」嚟轉移視線,先刪除詐型留言,再post晒操肌相,話自己用盡洪荒之力先操到呢副偈,擺明賣肉護花,一夫當關我Nuts哥唔係唔信世上冇真愛,始終愛是永「痕」,世界誘惑何其多,既然余文樂都玩到出賣肉體嚟保護王棠云,睇嚟想做皮帶女婿嘅決心都非常堅定!呢鋪過到關,起碼贏晒未來外父嘅印象分先高招!

女尊男卑,雖然都有陳山聰同何超雲失敗例子,但都有好多成功個案,好似黎諾懿、吳家樂同組合Mr.成員Alan咁,外家係有錢,但一樣排除萬難組織幸福家庭!如果有乜冬瓜豆腐,都仲有小儀呢個後着!余文樂曾經同小儀講,話自己如果過幾年都搵唔到對象,就大家一齊喎!


來源 source: http://hk.on.cc
鍾意就快D Share啦!