掃呢頁CODE去手機

2017年1月16日 星期一

中國女排變索領大獎!惠若琪靚過華姐冠軍 __,華姐,

惠若琪變身公主帶領中國女排領獎。(互聯網圖片)2016年中國體壇風雲人物頒獎禮星期日晚喺北京水立方舉行,中國女排連續3年獲選為最佳團隊,而且郎平當選最佳教練,朱婷獲選為最佳女運動員,結果中國女排拎埋評委會大獎成為大贏家。另外,女排姑娘集體變索,惠若琪仲被網友大讚,靚過出爐華姐冠軍呀!郎平帶領中國女排奪得里約奧運金牌,連續3年當選最佳教練勁威水,雖然佢領獎時,心情太激動一度哽咽,但好快又回復風趣本色 ...




其他影片:>>






惠若琪變身公主帶領中國女排領獎。(互聯網圖片)

2016年中國體壇風雲人物頒獎禮星期日晚喺北京水立方舉行,中國女排連續3年獲選為最佳團隊,而且郎平當選最佳教練,朱婷獲選為最佳女運動員,結果中國女排拎埋評委會大獎成為大贏家。另外,女排姑娘集體變索,惠若琪仲被網友大讚,靚過出爐華姐冠軍呀!

郎平帶領中國女排奪得里約奧運金牌,連續3年當選最佳教練勁威水,雖然佢領獎時,心情太激動一度哽咽,但好快又回復風趣本色:「身體沒問題,賴亞文之前就跟我說,給我找了一個工作,奧運結束後接任下一屆殘奧教練工作。」

據講郎平星期一出發到美國,下星期接受髋關節手術,視乎康復情況再決定係咪繼續執教中國女排。另外,朱婷因為要為球會比賽留喺土耳其,最佳女運動員獎座由隊友徐雲麗代領,朱婷話獲獎好意外,因為佢以為乒乓球嘅丁寧更大機會獲選。

雖然朱婷冇到場,不過中國女排嘅其餘奧運冠軍成員,就悉心打扮出席,無論係張常寧低胸裝露事業線,抑或係袁心玥嘅露膊透視誘惑,同樣好有睇頭,當中顏值最高嘅惠若琪,換上禮服簡直成個迪士尼公主咁,難怪有網友讚佢靚過華姐冠軍

其餘獎項方面,乒乓球嘅馬龍當選最佳男運動員,跳水嘅吳敏霞同施廷懋獲得最佳組合獎項,拳擊嘅鄒市明當選為最佳非奧項目運動員,不過講到搶鏡,游水嘅孫楊上台唱《倔強》,佢隊友傳園慧表演脫口秀,佢哋喺里約奧運爆紅,同樣唔輸蝕。

2016年中國體壇風雲人物選舉結果

評委會大獎     中國女排

最佳團隊      中國女排

最佳教練      郎平(排球)

最佳男運動員    馬龍(乒乓球)

最佳女運動員    朱婷(排球)

最佳組合      吳敏霞/施廷懋(跳水)

最佳新人      任茜(跳水)

年度突破獎     鍾天使/宮金傑(單車)

最佳非奧項目運動員 鄒市明(拳擊)

殘疾人體育精神獎  榮靜(劍擊)

大眾體育精神獎   米曼‧艾米拉(維吾爾族傳統摔跤繼承人)

東網體育同你追實體壇每個精彩時刻! 

http://bit.ly/2ecTF2A 

想撐本地波?即Like我撐本地波Facebook專頁

http://bit.ly/1Wm3E4Q 


來源 source: http://hk.on.cc
鍾意就快D Share啦!