熊子逸身世坎坷！
無綫劇集《親親我好媽》題材貼地，獲不少觀眾追捧，當中飾演江美儀及黃智賢細女的熊子逸披露出悲慘身世，八歲時捐骨髓救患上白血病的弟弟，但骨髓排斥最終不治，九歲時親眼目睹感情要好的表哥被跳樓婦人壓死，及後父母離婚。
子逸幸得薛家燕出手相助，子逸早年在對方所辦的藝術訓練中心學演戲而與薛家燕結緣，當時子逸的表哥無辜被壓死，家燕給予對方兩萬元解燃眉之急，又接子逸到其家中暫住，更帶子逸睇醫生，包辦醫藥費。拍畢劇集後，子逸在媽媽支持下與哥哥赴新西蘭讀書。
對於熊子逸在《親》劇有好表現並大受關注，當年曾一手提攜到無綫拍劇的家燕姐都大感安慰，更表示對方到新西蘭升學亦跟其母商量給予支持，她說：「佢喺個劇有咁嘅成績我都好安慰，今次佢去升學，我都有畀意見，佢媽媽覺得對我唔住，似拍咗個劇有啲表現又走咗去，但我我同佢，人梗係要有學識重要啲，讀完書再返嚟做演員都未遲，所以我都好支持佢去升學！」
談到子逸的表哥被跳樓婦人壓死，她說：「好難過，都係意思意思畀兩萬蚊帛金，佢喺我度住嗰一星期成日匿埋喊，我個女就陪住佢，去杭州表演都帶埋佢去，順便同佢散吓心！」薛家燕又謂認識子逸的弟弟，她說：「佢細佬都喺我度學過跳舞，其實子逸捐完骨髓之後，佢媽媽都有捐，最後都唔得，真係好陰功，細佬好乖，即使做治療嗰陣佢都有WeChat我，同我講佢食咗藥，我唔捨得Delete段錄音！」
來源 source: http://hk.on.cc
|
鍾意就快D Share啦！
|
|
|