唔通又有暗湧？
藝人唐詩詠以露臍裝出席護膚品活動，穿上斗零踭高踭鞋的她不慎將鞋踭攝在卡板險些仆倒，並即場示範收胸部線條動作，詩詠透露近年開始跑步及健身，她說：「除咗護膚之外，身體唔可以唔理，依家要拍打戲消耗好多體力。」即被笑上圍冇乜成效，詩詠大笑說：「依家點睇到呀，要繼續努力。」
洪永城冇驗胸？
問到男友洪永城有否讚她做完收胸部線條動作有成效？詩詠扯開話題說：「佢自己都要努力啲收身。（佢有冇驗過你胸部？）冇，做乜要驗？我自己好滿意。（覺得自己上圍唔夠脹？）重點唔係脹唔脹，係保養同Keep fit。」對於被指找組合農夫成員C君擇日結婚，詩詠否認說：「邊會搵佢擇日呀？大家食飯啫。（係咪好事近？）冇諗，呢啲係緣份，結婚係一時衝動。（會閃婚？）可能㗎。」
「佢長期處於玩」
由於麥玲玲指她今年不拉埋天窗就要等幾年，問到是否心急結婚？詩詠說：「好多人有咁講，但唔可以咁而做呢個決定，寧願係揀啱呢個人而做呢個決定，唔可以為咗怕自己之後再冇呢個機會而做呢個決定，寧願單身都唔想揀錯老公，老公係一世。（想睇定啲？）定佢睇定啲我？（Feel到佢想求婚？）冇喎，佢行為長期處於玩同過度活躍。（咁咪冇乜安全感？）呢個係佢性格。」
來源 source: http://hk.on.cc
|
鍾意就快D Share啦！
|
|
|