36歲李施嬅一向識男友多數非富則貴，上年同拍拖兩年嘅富商潘樹雄分手，感情keep住dry，今日有周刊爆佢睇中喺大台上緊位嘅35歲袁偉豪，二人喺大台冇合作過，李施嬅係透過好姊妹胡定欣先識對方，跟埋定欣同陳山聰出去練跑。報道有指，新年嗰陣佢哋約埋去胡諾言屋企拜年，知情者爆李施嬅有車都唔揸，走去定欣屋企等袁偉豪車埋佢去，去到又成程黐住袁偉豪吹水兼飲酒，又拎住袁偉豪部相機係咁問，見袁偉豪鍾意小朋友，李施嬅又玩埋一份。據知李施嬅都心急搵番個伴，之前已經成日跟姚子羚出席「的士邦」搞嘅聚會，識吓啲富二代朋友仔，點知都係冇著落。報道又指，李施嬅喺袁偉豪仲同岑杏賢拍拖已經「發功」，早前同袁偉豪及一班同事去新加坡做嘢，李施嬅只係擺同對方嘅合照，當時袁偉豪套《城寨英雄》，佢即大讚男方係英雄，返港又係咁whatsapp人哋，令岑杏賢好唔高興，雖然袁偉豪同岑杏賢分咗手，不過對前度仍念念不忘，喺同一個屋苑租另一個單位，怕岑杏賢一個人喺香港冇人照應，之但係多次公開講想復合，仍然挽回唔到女友嘅心，周刊都問過袁偉豪，佢直言目前唔敢諗拍拖，表明未必喺朋友圈搵女友，因為太熟反而做唔到情侶。
| 微博圖片 | | |
| | | |
來源 source: http://s.nextmedia.com
|
鍾意就快D Share啦！
|
|
|