張紋嘉大爆做組合HotCha時的慘事。
歌手張紋嘉（Crystal）將於下月中與唱片公司約滿，她到電台宣傳與唱片最後一首新歌《少女的球鞋》，多度感激公司仍為其歌曲落力宣傳，她說：「送畀我最好嘅禮物。（妳會送番咩畀公司？）以身相許啦，希望之後再好啲，唔好令佢哋失望。」
被開平價：都幾唔開心
Crystal坦言有意簽經理人，她說：「因為想主力係演戲方面發展。」問到擔不擔心收入減少？Crystal說：「冇辦法，預咗畀做歌手更辛苦。」即被取笑要求包養？Crystal耍手擰頭說：「黐線，邊個肯要我，你係咪講笑？」隨即透露曾收過「問價」訊息，Crystal說：「黐線，平到爆，唔講幾多，都幾唔開心，見好多人話收好高價錢，當然冇覆佢，得啖笑。（依家需要？）唔會，寧願辛苦啲做舞台劇閒角。」記者大讚她清高，Crystal否認說：「唔好咁講。（100萬過一晚肯唔肯？）唔得，唔係錢問題，唔需要求包養，我係慳妹。」
返公司練歌慳飯錢
Crystal提到當年做組合HotCha時，因收入微薄故不停參加電視遊戲節目贏食物券，Crystal說：「因為贏有好多食物券，所以點解嗰時一定要贏，係為咗每日三餐，日日去換嘢食，連食店姐姐都認得我。」之後又爆為貪兩餐飯錢，借番公司練歌在卡拉OK入面叫飯食入公司數，她說：「根本就係為慳食飯錢，就扮返公司練歌。」身為獨女的Crystal直言從未給予父母家用，她說：「係勁愧對父母。真係冇畀過錢佢哋，只係請佢哋食飯，不過爸爸好好，每次我經濟出現問題都係佢救我，仲話唔緊要唔需要急，其實爸爸係咪唔記得我幾歲？」
來源 source: http://hk.on.cc
|
鍾意就快D Share啦！
|
|
|