【新增內容】今日傍晚時份抵達紅磡世界殯儀館祭魯芬的祥嫂，身體抱恙，需契仔契女攙扶，撐著柺杖到來，但一提及兆尊近況，祥嫂不免激動，聲淚俱下，越鬧越心痛，又著傳媒不要為她難過。祥嫂哭道:「我有意識，我仲有聰明，我仲有……我仲有乜嘢？」夏蕙姨安慰她謂「你仲有你嘅智慧、你嘅生活」，祥嫂泣道：「冇智慧，不及當年!」夏蕙姨想再安慰，祥嫂發火：「唔係！你俾我諗諗先！你……你……你…我想講乜嘢呢？」此時祥嫂想到魯芬：「你睇下呢啲咁後生都死咗喇！六十歲係咪呀？(63歲)乜嘢都好啦，生命好脆弱。我做咗幾十年祥嫂，我認為人盡其才，物盡其用，但係我到今日為止，我有兩樣嘢不及當年喇，我都用到盡喇。」「我都72歲喇，你唔好為我難過，我唔難過。我今日咁勇敢講出嚟，我唔敢講咗19喇，我冇敢講，我要顧全大局。祥哥教我要人過留名，唔好污辱伶王美譽，係咪呀？」傳媒請她不要動氣，但祥嫂不聽，還說:「我唔攰，我有意志力，我想講，你哋聽，我想你哋提升，你哋嘅工作，你哋嘅職位，二則我都想幫番我啲兒女，等佢哋可以重投番娛樂圈。」最後祥嫂逗留了一小時，離開時心情已平伏不少，在親友攙扶下登車離開。
| (攝影：仇志德、廖達燊) | | |
| | | |
| | | |
來源 source: http://s.nextmedia.com
|
鍾意就快D Share啦！
|
|
|