認喇認喇！苟姑娘終於認愛！
藝人苟芸慧、李逸朗及何紫綸到銅鑼灣出席面膜品牌活動，苟姑娘身穿黑色連身裙雍容華貴，講到日前被拍到獲賽車手緋聞男友陸漢洋接載，苟姑娘全程甜絲絲回應：「當日係我有啲唔舒服，好sweet咁有人問我喺邊，順便喺我病嘅時候Take care（照顧）我，係好warm（溫暖）嘅。（佢係你專屬柴可夫？）係……嘅，但唔知會唔會車其他人喎！（依家關係係咩？係咪情人？）想留畀佢答，雖然佢低調，但都會出嚟見人嘅，我想尊重番佢，不過好多謝佢情人節畀咗個驚喜晚餐我，夾好晒啲朋友，好sweet，佢係個細心、幾啱嘅人。（收埋戒指？）留番啲秘密，總之好開心、好sweet。（想低調啲？）係，交番畀佢講好啲。」
真係好事近？
苟姑娘對新歡開晒綠燈，問何時到她好事近？她說：「尋日做完姊妹，係同屆華姐出嫁，不過冇搶花球，我之後仲要做兩次姊妹，完成咗先考慮自己人生大事。（你做過幾多次姊妹？）好多次呀！聽人講伴娘唔可以做多過三次，姊妹就冇所謂。」
來源 source: http://hk.on.cc
|
鍾意就快D Share啦！
|
|
|