大台娛樂主播李漫芬今日出嫁，唔少圈中好友都有到賀，包括曾志偉、劉松仁、郭晉安、楊怡、岑麗香、許志安、莊思明、莊思敏、楊思琦、湯盈盈、伍允龍、賈思樂等。曾志偉近日紅事白事兩邊忙，剛出席完魯芬喪禮，相識多年好友胡家驊又突然猝逝，志偉直言心情好複雜，佢話﹕「未平伏，兩位好朋友都後生我咁多，魯芬都話知佢有病，家驊係冇先兆。」胡家驊其名下愛駒「喜蓮獎星」今日在第三場女皇銀禧紀念盃2017賽事中勇奪冠軍，志偉表示有留意，佢話﹕「有睇，許晉亨好好，幫家驊上去棒杯，我信佢睇到。(有冇搵吳婉芳？)冇搵，佢希望外界畀空間。」另外，楊怡就祝福一對新人白頭到老，快啲生BB，問到幾時輪到佢？楊怡笑笑口話﹕「成日問我，生BB唔可以草率，要調理好身體，食好啲瞓好啲。(有冇生仔秘方？)之前黎燕珊畀過我，但未有時間睇，冇研究，佢話生咗就send番畀佢。」楊怡透露老公謙謙(羅仲謙)依家係無錫拍戲好辛苦，即使想探班，但都擔心阻住對方。而郭晉安就話做咗人情，透露7、8月會開拍《再創世紀》，但會以唔同角色登場。
| 曾志偉出席李漫芬婚宴，直言心情好複雜。(攝影﹕仇志德) | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|