呢段說話，真係令人好有聯想。
啱啱喺今個月16日過51歲生日嘅藝人陳雅倫，早前公開認愛，並宣布即將與吳彥祖表哥Martin拉埋天窗，不過卻因為被偷拍到佢同夫婚夫當街親熱，畀人話陳雅倫放料，結果搞到佢要喺社交網用全家性命嚟發毒誓，以示自己被屈，之後更有指Martin與前女友育有兩歲多兒子！
今日一早陳雅倫就上載社交網，放上靚靚自拍嘅佢，忽然有感而發，指自己有啲煩，仲話如果一段感情冇咗信任，段關係就會完！陳雅倫寫道：「最近有點煩。。。我一直認為；一段感情沒有了「信任」，那麼這段關係便完了！」此言一出，雖然佢未有指名道姓係講邊個，不過就有網友聯想到唔知係咪講緊佢同Martin，搞到即刻有網友留言嗌佢要振作㖭。
陳雅倫接受東網訪問時，就表示自己好多時都會喺社交網寫嘢，叫大家亂諗，佢只係隨心寫，並澄清同男友冇事：「我尋日好夜先返到香港，我哋真係冇嘢！我今日都仲未見到佢，不過呢件事令我明白佢唔係圈中人，互相了解真係好重要。（今次番嚟係咪為咗見男友？）我成日都要飛嚟飛去，啱啱先喺內地做完騷返香港，遲啲又要走喇。」
來源 source: http://hk.on.cc
|
鍾意就快D Share啦！
|
|
|