【希望無事】Jun.K 3米高舞台跌落地送院 2PM演唱會即時中斷 __,2PM,

韓國六人男團2PM由前日至今日以及下月3至5日喺首爾舉行「6Nights」演唱會，不過今日個場演唱會成員Jun.K喺一個花車上表演時因踩空，從三米高跌咗落地上，令到演出中斷。據知Jun.K已即時送院，並接受精密治療，有現場粉絲就指Jun.K當時表現得好痛，似乎頭部頸部都受傷，仲痛到無法起身，粉絲亦都有看到Oppa被抬出場嘅情況，粉絲指當時嘅工作人員因為未睇清楚成員係唔係已完全行過另一架車，所以令J ...

韓國六人男團2PM由前日至今日以及下月3至5日喺首爾舉行「6Nights」演唱會，不過今日個場演唱會成員Jun.K喺一個花車上表演時因踩空，從三米高跌咗落地上，令到演出中斷。據知Jun.K已即時送院，並接受精密治療，有現場粉絲就指Jun.K當時表現得好痛，似乎頭部頸部都受傷，仲痛到無法起身，粉絲亦都有看到Oppa被抬出場嘅情況，粉絲指當時嘅工作人員因為未睇清楚成員係唔係已完全行過另一架車，所以令Jun.K踩空跌落台。因為Jun.K冇法繼續表演，所以2PM其他成員都有出來致歉。而2PM所屬嘅JYP事務所就表示現時Jun.K正喺醫院進行精密檢查，又話：「發生咗演唱會途中從舞台掉下來嘅事情，演出中斷了，關於之後嘅演唱會行程，目前無可奉告。」由於Jun.K受傷令成員同粉絲都好擔憂，所以主辦方即時決定中斷演出。

	Jun.K出事前企喺花車上同粉絲接觸	2PM其他五位成員向粉絲致歉
2PM噚日一場同粉絲大合照	粉絲話主辦冇做好安全措施

來源 source: http://s.nextmedia.com

鍾意就快D Share啦！

下一篇 》