陳茵媺負責湊仔女，陳豪負責同架車扮靚！
廖碧兒搬入大埔豪宅，與舊愛陳豪一家所住的比華利山只有約5分鐘車程。眼見舊愛一家相當活躍，為免撞口撞面，廖碧兒經常由司機接載早出晚歸，甚少在大埔區露面。日前，陳豪和陳茵媺又分頭出動，陳豪幫座駕扮靚，陳茵媺則一拖三帶仔女去拜年。
當日中午12時許，陳茵媺替子女悉心打扮，由司機接載往深井拜年。抵達後，她抱實9個多月大的幼女陳凱婷落車，只見小公主穿上一身中式賀年裝，面珠肥嘟嘟，相當可愛！陳茵媺邊行邊幫女兒撥頭髮，大仔梓燁和二子浩鋒則由傭人照顧，一行人齊齊往友人家登門拜年。
另一日下午，陳豪與哥哥先到位於荃灣的公司向員工派開工利是，然後到土瓜灣幫座駕扮靚。兩兄弟行出行入與車行職員研究一番後，最後放下座駕，由友人接載離開。
來源 source: http://hk.on.cc
|
鍾意就快D Share啦！
|
|
|