吳若希仲要留言話：如果我死了...真係想嚇死人咩！
歌手吳若希正值懷孕期間，閒在家中不時透過社交網舒發情感。今日佢就上載咗一張鮮花相片，仲發長文直言自己懷孕期間成日發脾氣，已經演變到女王病，又呻懷孕中嘅媽媽真係好辛苦，佢話：「在這段懷孕期，有時候就是無緣無故想發脾氣，明知道其實沒什麼事要生氣，但就是想生氣，然後吃碗飯或者吃碗麵就會突然心情大好，然後又會乖乖抱著（着）被子上床睡覺～ （已經幻想到將來的寶寶也會這樣）沒懷孕時已經知道自己是個辣妹子，現在完全發現自己已經從#公主病 進化到#女王病 ～～慶幸的是身邊那個還是依然會容忍你的壞脾氣，你睡不著（着）他會陪你睡不著（着）、你餓他就陪你吃、你無理取鬧他會抱緊你親親你⋯⋯ （對，女生無理取鬧時並不是要男生跟你說道理～～而是要你抱抱她親親她就夠啦）所以，謝謝你愛我。」
咁呢個「你」相信係講緊男朋友ALEX啦，吳若希仲hashtag「#女人#孕期爸爸很辛苦#孕期媽媽更辛苦#下世你想做男人定女人#寫完篇野（嘢）又想發脾氣#我好矛盾#應該係因為餓#對唔住我係餓底」睇嚟吳若希真係好多嘢諗喎。
點知，佢又上載咗一張「遺體損贈卡」，仲留言「如果我死了...」。啋，真係大吉利是咩，嚇到網民紛紛留言安慰，仲叫佢唔好亂講嘢。
來源 source: http://hk.on.cc
|
鍾意就快D Share啦！
|
|
|