女神都要買定飛等人約？
【紐約直擊】於紐約讀戲劇的陳法拉出席於當地舉行的時裝周，於當地時間10日現身Kate Spade秋冬2017 ，穿上品牌花卉圖案的法拉大讚今季設計很美，充滿異國風情，而且有大量花卉圖案，以及喜愛今季的首飾。
情人節睇舞台劇
陳法拉去年返港演出舞台劇後，被發現與曾任外交官的法籍男士司馬諾約會，是指與薛世恆分手後的新戀情，問到情人節可以選條花卉圖案裙穿着？她笑言條裙咁多花：「咁唔使送花。（情人節點度過？）完全唔知，嗰日冇堂可以休息，夜晚睇Cate Blanchett（姬蒂班查）舞台劇。（等男友畀驚喜？）驚喜我等待。（同男友一齊睇？）我買咗兩張飛，睇邊個同我睇。（預備禮物畀男友？）完全未，好忙，呢個星期返學要唱歌，似音樂劇，體力同聲音都需求好大，出live ，冇咪，靠自己，今晚六點同九點都有演出，今個星期有8場，好攰，一陣要warm up。」
生日飛機過
提到月尾生日，她表示生日在飛機上過，因為有兩星期假期，會回香港工作。問到有否人已約她慶祝？她表示：「冇，同經理人，mark咗我做嘢，我喺呢邊讀書，好多工作都積埋，返去做，一星期要飛幾個城市，希望返香港有粉絲送禮物畀我，同朋友食飯，不過日日都拍嘢，食都冇得食，好殘忍。」
青年才俊
據講法拉新男友來頭不少，在哈佛大學畢業，06年擔任過法國駐日本外交官，負責分析中國及日本的金融走勢，之後2012年發展編寫電腦程式Bubble，教人創立及製作網頁同app，是青年才俊！
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|