掃呢頁CODE去手機

2017年3月6日 星期一

【馬明拍劇踩27個半鐘】兩個鐘睡眠時間點樣嚟?黃子華計俾你睇 __,子華,馬國明,馬明,黃子華,

Yo~追更拍劇,使乜驚呀?等等先,真係唔驚?最近高調返大台拍賀歲劇嘅張衞健就唔係咁諗喇,佢為咗要有足夠時間休息,同大台傾好咗每日只可以拍12個鐘,仲講 ...


Yo~追更拍劇,使乜驚呀?等等先,真係唔驚?最近高調返大台拍賀歲劇嘅張衞健就唔係咁諗喇,佢為咗要有足夠時間休息,同大台傾好咗每日只可以拍12個鐘,仲講起陳年往事:「我以前咪一樣係咁,當我有合約時,都係每日瞓兩個鐘,3、4、5個鐘嗰日都好多o架喇。 」為咗幫大台拍劇,每日瞓兩個鐘嘅仲有佢:黃子華。子華神14年喺澳門開棟篤笑,狂寸大台出通告要由06踩到28,慘過走難,仲即場計數,話你知兩個鐘睡眠時間點樣嚟:「除非你可以一收工,即係搭正凌晨4點,用0秒將身上嘅假身假牙假髮除晒,然後就企喺度,立即進入深層嘅睡眠狀態,企兩個鐘,咁你就會有兩個鐘頭嘅睡眠。」有啲時候,開工嗰個捱得住,屋企人就戥你心痛。11年馬德鐘太太張筱蘭就忍唔住,喺微博連續怒轟大台用人用到盡,包括「這種顛倒的生活和源源不絕的應酬,鐵人都死! 」、「這公司不顧員工休息的冇人性制度。」樂易玲解畫承認大台工時長人工奀,但幫你紅咗之後就會身價提高咁話,呢啲理由聽落真係熟口熟面……大台咁多年嚟真係「進步」咗唔少,最近馬國明拍《深宮計》就收到張直踩27個半鐘嘅通告,連瞓都冇得瞓!馬明之後都有講番,呢次係最入行以嚟拍得最耐嘅一日。

(資料圖片) 子華14年開棟篤笑講番拍劇血淚史,寸爆大台工時唔合理。(資料圖片) 提一提你,子華開棟篤笑之前對上一套劇係《My盛Lady》。(劇照)
張筱蘭幫馬德鐘鬧大台制度冇人性,仲叫樂易玲做「樂大媽」。(資料圖片) 糾紛解決咗,三個人有合照。(資料圖片) 最近馬國明破紀錄,為咗《深宮計》開咗27個半小時工。(資料圖片)

來源 source: http://s.nextmedia.com
鍾意就快D Share啦!