賭王千金何超鳳（左）同何志堅被爆離婚。（資料圖片）
賭王何鴻燊二房千金何超鳳今日傳出離婚的消息，有讀者爆料指何超鳳與夫婿何志堅經已離婚，何志堅是香港馬圈大馬主何壽康之子，兩人於1993結婚，先後誕下兩女，結果離婚收場。
何志堅的嬸嬸何杜瑞卿今日回應東網：「佢哋係離咗婚，應該係上年，因為我上年先知。（點解離婚？）好難講，夫婦間感情嘅嘢外人點知？同佢哋生活先知，感情冇得教，要嚟就嚟，去就去，待人處世就有得教啫！係一個緣字，緣來緣盡，冇得解釋。（小朋友同邊個住？）兩個女喺外國讀書，原則上係跟媽咪，又唔會唔畀見嘅，兩個女讀書好叻。（有冇幫吓口做和事老？）我之前完全唔知，我自己都一頭家，咁多細佬，同佢哋耐唔耐都會見吓面嘅，我都係佢離咗婚先知。（佢哋離婚後仲有冇一齊出席家庭聚會？）我知志堅同佢家姐（何超瓊）有見面，但前妻有冇出嚟就唔知，佢哋離咗婚已經分開住。」對於何志堅為人，她說：「佢係我先生哥哥何壽康個仔，佢好好先生一名，脾氣又好，不過感情事外人唔知咁多，唔好講任何一方面唔好，千祈唔好寫任何人唔好嘢。」
來源 source: http://hk.on.cc
|
鍾意就快D Share啦！
|
|
|
