網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月1日 星期三

【獨家】母女行名店衰阻人收工 43歲勁pure楊恭如俾職員趕 __,楊恭如,

95年亞姐冠軍楊恭如,被喻為「亞姐中嘅亞姐」,當年俾亞視力捧兼迅速喺電影圈走紅,身邊拍檔幾乎全屬天王級數,好似黎明同郭富城等。不過數數手指,當年嘅青春少艾,如今已經40開外,啱啱就過咗43歲生日嘅楊恭如,雖然年紀唔細,不過勝在無添加,個樣唔膠夠自然。近年長駐大陸發展嘅佢,間中都會落嚟香港shopping下,而每次俾人影到嘅,都係同媽媽行孖咇,近幾年,異性生物幾乎冇喺楊恭如身邊出現過。而無論係咩年紀 ...


95年亞姐冠軍楊恭如,被喻為「亞姐中嘅亞姐」,當年俾亞視力捧兼迅速喺電影圈走紅,身邊拍檔幾乎全屬天王級數,好似黎明同郭富城等。不過數數手指,當年嘅青春少艾,如今已經40開外,啱啱就過咗43歲生日嘅楊恭如,雖然年紀唔細,不過勝在無添加,個樣唔膠夠自然。近年長駐大陸發展嘅佢,間中都會落嚟香港shopping下,而每次俾人影到嘅,都係同媽媽行孖咇,近幾年,異性生物幾乎冇喺楊恭如身邊出現過。而無論係咩年紀,對女人嚟講,扮靚始終係終身事業。日前(上月18日)夜晚7點,《蘋果》見到戴住cap帽嘅楊恭如,喺中環IFC嘅指甲店修甲,睇睇價錢牌,一次修甲加搽指甲油,就要盛惠一張金牛,咁當晚阿女喺舖入面修甲,楊母就坐喺店門口耐心咁等阿女。楊恭如喺指甲舖扮靚逾1個鐘後,就會合番媽咪,由於當晚楊恭如冇乜化妝,加上一身casual look,所以喺商場冇乜人認得。之後兩母女喺商場一間日式拉麵店開餐。二人揀咗角落位食麵,又食咗1個鐘,出到嚟繼續百無聊賴行街街,不過由於商舖開始落半閘閂舖,原本想行入連卡佛嘅楊恭如,最後都俾職員禮貌咁請佢出店舖外。冇得行街街,母女二人惟有行去置地嗰邊,上的士走人。

(攝影:黃曉程、羅德光) 雖然長駐大陸,不過楊恭如間中都會同媽咪落香港逛名店入貨。 雖然冇人認得,但楊恭如習慣戴cap帽遮樣。
同媽咪匆匆喺拉麵舖開餐,然後再到商場名店逛過。 可惜唔少店舖都閂咗門,兩母女諗住入連卡佛,最終都俾職員邀請離開。 冇得shopping嘅楊恭如,鼓埋泡腮,越行越快嘅佢,同媽咪距離越走越遠。
當年楊恭如被喻為最靚亞姐,同過唔少一線男星拍過戲,包括古天樂拍《BadBoy特攻》。(資料圖片) 同張曼玉、黎明拍《甜蜜蜜》。(資料圖片) 同過曾經係上海首富嘅周正毅傳緋聞。(資料圖片)
多年嚟嘅品味都好一致。(資料圖片) 唔止着嘅衫,連化妝都一樣。(資料圖片) 呢幾年,楊恭如成日黐實媽咪出現,兩母女感情要好。(資料圖片)

來源 source: http://s.nextmedia.com
鍾意就快D Share啦!