陀B差唔多8個月嘅張名雅(Carat)，啱啱影咗輯陀B大肚靚相，仲話決定順產，希望復原快啲，對BB又好啲，日前佢仲擺咗張披肩相，話自己餵母乳可以用呢條scarf，仲叫大家有母乳故事可以分享一下！(新聞連結：http://bit.ly/2nfdcUx)唔知係咪大肚婆嘅心情好容易受到影響，今日張名雅突然喺ig貼咗一張陰雲密佈嘅相片兼留言：「難忘的一個晚上。從未見過這樣的自己，卻停不了下來。」跟住又寫咗一大堆hashtag「i will never forget to night」、「unforgettable」、「very disappointed」、「Im printed in my heart」、「so scary」、「worse than stranger」、「love me or leave me」、「you choose not to stop me」及「you chose to not pull me back」。有唔少朋友留言問發生乜嘢事，甚至有傳媒曾經搵過佢，但係張名雅都冇回覆。張名雅自懷孕後，密密更新ig，分享懷孕喜悅，又貼同老公Joe嘅甜蜜合照。約一個月前，張名雅貼咗同老公車廂合照，寫道：「有了寶寶之後，原本幸福的夫妻依然幸福，那需要兩個人的努力同堅持。好多人話BB出世時候要給爸爸指示。是，因為新手爸爸不知道自己該做甚麼，他看著妳抱BB、餵奶、換尿片、可能還替自己剖腹產的傷口換紗布、替自己自然產的傷口沖洗，然後他不知道自己該做甚麼，跑去拿出世紙幫孩子登記，送紅雞蛋醬醋接受大家的恭喜祝福，然後他放工回家，打開電視或電腦，坐在沙發上『靜待指令』。 有時你氣到落淚，你餵奶痛傷口痛孩子又哭個不停，他還可以那樣『因為我不知道這是不是我照顧範圍』，有經驗的過來人或專家都話『男人需要一點時間接受自己成為爸爸的事實』、『有的男人要到小孩一歲可以互動後才會感受到小孩的可愛』，你只想大叫：『那我呢？我給他一點時間，誰來給我一點時間？』。雖是這樣，我還是急不及待讓你成為父親。」是否有暗示？
