恭喜晒！
現年40歲的謝安琪（Kay）再度榮升媽咪，據知她昨晚已到沙田仁安醫院準備生B，今日由老公張繼聰透過經理人公布喜訊，母女平安，成功湊得一個「好」字！而阿聰於下午現身接受傳媒訪問，分享再做爸爸的喜悅！據Kay早前透露預產期原定是本月底，上星期亦曾傳出她已到醫院生B，原來是虛驚一場，近日亦見Kay不時與朋友飯局，阿聰亦繼續拍劇開工，以為離生B日子尚有一段時間，想不到B女今日已搶閘出世。
歷緊新階段
再做爸爸的阿聰於下午五時現身，見他一臉笑容，更準備小禮物給傳媒，阿聰表示：「好多謝大家，呢一段日子好辛苦咁去關注我哋已經一段時間，好多謝大家祝福，覺得自己都好似經歷緊一個新階段，妹妹係下午三點幾出咗世，七磅半，係開刀生嘅。」阿聰透露囡囡叫張靖，英文名叫Karina，他又爆為何叫Karina：「有晚發夢，有個女來同我講要叫Karina！」
剪3次先剪到臍帶
雖然過程都有經驗，但係上次係順產，覺得上次自己好失禮，緊張到好似醉酒，因為實在太開心，係咁重覆咁講唔該、多謝，真係好失禮！今次就搵個位坐埋一邊，費事阻到大家，但都有撞到儀器。太太同囡囡都好叻，好快就聽到BB喊聲，第一次剪臍帶會覺得好粗，阿公（蘇永康）好叻，一下就搞掂！今次我再剪都剪咗三下，覺得好開心，好感動，都想Keep住硬漢啲，醫生叫我講下笑、唔好咁緊張，我好似小學訓導會係咁講加油。」又指太太做手術時，自己都感到好肉赤，覺得太太好偉大，他謂：「除非男人可代生，唔係兩個都夠。」
來源 source: http://hk.on.cc
|
鍾意就快D Share啦！
|
|
|