國足喺世盃外作客以0:1不敵伊朗，球隊左閘姜至鵬賽後含淚自認係失波罪人，原本網民都同情佢，但佢老婆張之悅星期三喺網上大爆，原來姜至鵬唔止用1,300萬人民幣包養小三，仲轉移財產同逼人離婚，成為網友口中嘅極品賤男，簡直被插到上天。小三被極速人肉起底，原來呢個24歲肖冰，完全冇覺得做小三有乜唔啱，仲不時喺網上晒名牌，仲曾話「有些事兩難全，我不覺得抱歉」，連佢朋友都不值佢所為，勁插佢係「賤小三」。
姜至鵬喺2013年3月同張之悅結婚，但佢喺1年後轉會廣州富力，編造各種理由唔畀老婆去廣州同住，後來張之悅發現老公同小三同居，被威脅唔離婚嘅話，就唔畀錢供樓，法院仲發現姜至鵬將1,300萬人民幣用晒喺小三身上添。
姜至鵬賤格到咁，國內網民梗係要對小三大起底啦。小三叫肖冰，24歲，朋友形容佢勁貪錢，又鍾意炫耀，自搭上姜至鵬後就不時喺微博騷名牌相，又周圍去旅行，喺日本着晒和服又去餵鹿，仲愛情專家上身勁晒金句，話邊個女仔都想有人保護，幾時都想做小女孩；仲話過「我有一萬個想見你的理由，卻少了一個能見你的身份」。另外，佢仲擺過同仲姜至鵬嘅遮面合照，仲不時擺出勁性感嘅內衣相，但就肥腫難分毫無美感。網友仲摷到佢未執過嘅相片，非常重口味。唔少網友都勁插肖冰冇廉恥，仲話依家做小三真係唔使靚，明顯取笑肖冰樣貌惡哽，仲話佢係照騙高手添。
今次張之悅爆料，原因係佢對法院作出嘅財產分配唔滿意，雖然佢擁有兩人之前購買嘅物業，不過單位仲有200萬房賃要還，張之悅覺得自己應付唔到每個月2萬還款額，保障唔到生活，所以要求法院重判，仲鬧埋富力包庇姜至鵬呀！
即上英超刨績王：http://win.on.cc/epl
東網體育同你追實體壇每個精彩時刻！
http://bit.ly/2ecTF2A
想撐本地波？即Like我撐本地波Facebook專頁
http://bit.ly/1Wm3E4Q
|
鍾意就快D Share啦！
|
|
|