翠翠完美演繹肥肚唔肥人！
現懷有七個多月身孕的葉翠翠，早前與建築師老公周曉東齊齊影了一輯大肚靚相，見索媽翠翠以BRA TOP配薄紗造型性感上陣，肚凸凸但四肢依然纖瘦，相信亦落了不少苦功KEEP FIT！
性感老公冇投訴
翠翠接受東網訪問，透露在懷孕29周時拍攝這輯靚相，問到性感上陣老公有否投訴？她笑言：「當時都有睇攝影師提供嘅參考，好多都好性感，老公都話有唔得咁性感呀！佢話要性感嘅由佢自己嚟拍！（聽晒老公話？）緊係要尊重老公，但去到現場睇到，老公都話其實冇想像中咁性感嘅。」翠翠身型依然弗爆，講到她「肥肚唔肥人」，翠翠表示：「自己會睇住食物嚟食，主要係低脂高營養食物，自己會經常留意個體重，因為醫生話如果升太多都唔好，好易會有妊娠糖尿，所以都CUT晒啲碳水化合物，主要食蒸魚、肉餅同埋菜，自己平時都少食飯嘅，所以都冇話唔習慣。」
擔心患產前抑鬱
翠翠曾受訪表示懷孕時情緒較不穩定，一直關心自己健康的翠翠，亦坦言懷孕前擔心患上產前抑鬱，她說：「懷孕前都有擔心過，初期係情緒化啲，但之後每日都好開心，因為老公照顧得好好。」翠翠透露預產期在五月中，計劃開刀生B，她表示：「聽過媽媽朋友產自然產有好處，但亦都有好多驚險事，自己又好細膽，所以都係開刀生。（唔怕有疤？）唔怕，好細條架咋，比堅尼都著到！」
攝影化妝：Jerman Cheung and Jessica Yeung＠J.A.C.K.Timeles makeup & photography FACTORY
來源 source: http://hk.on.cc
|
鍾意就快D Share啦！
|
|
|