由鄭嘉穎、謝天華、呂良偉同譚耀文等大堆頭演出嘅《風雲5D》音樂劇，4月6號就喺紅館舉行頭場，最近喺網上呢套舞台劇嘅MV就開始有得睇，日前就貼咗一條，由扮演聶風嘅謝天華同演孔慈嘅閻奕格合唱嘅《蝶夢》MV，呢個MV就真係「世界級」喇。大家睇到一個MV，除咗聽歌，會期待睇到啲咩？大約都係好睇嘅畫面、好靚嘅服裝等等咁，但呢個由謝天華同閻奕格嘅MV，就完全冇以上嘅嘢。謝天華嘅聶風造型就唔似聶風，反而好似蔡一智，輪廓除咗老咗之外，塊面仲包咗唔少，對比起當年嘅鄭伊健，真係差好遠。而套服裝呢就顯得謝天華肥咗唔少，可能真係太鬆身喇，重點係對鞋，點解會係皮鞋，仲要喺有踭嘅，唔通今次《風雲5D》變咗現代？到個畫面喇，全個MV以綠幕拍攝，男女主角不停咁大頭加轉圈，仲有一大堆CG蝴蝶飛嚟飛去，感覺就好似動畫加真人合作咁。網民睇完之後，都有唔少負評：「聶風的長髮造型，除左伊健，真係唔係個個carry到。」「拉謝天華.....個造型設計師出去，斬！」「 睇圖以為蔡一智出新歌....」「 都係做返秦霜啦。」「噚晚喺電視咁岩睇到個MV，仲以為係惡搞歌嘅MV嚟。」「救命 咁都出街 成公司冇人講真話？」去片： http://bit.ly/2mZAygW
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
| 嗱，左邊係謝天華嚟，唔係蔡一智啊！ | | |
| | | |
| | | |
| | | |
| | | |
|
鍾意就快D Share啦！
|
|
|