大劉外型強勢，但他自言是個很易心軟的人，而且感性，還喜歡聽歌。而大劉的歌list對90後而言應該很陌生，但他通常都是不開心才會聽歌：「徐小鳳有首《大亨》，嗰時捱得最辛苦嘅，他拚命追，我拚命追，追得到又如何？薰妮嗰首《每當變幻時》，40年前，我捱得最辛苦都未掂。」除此之外，大劉亦愛聽情歌，譚詠麟的歌更反映他矛盾的「感情抉擇」，他笑言：「我都做過後生仔，都試過窈窕淑女，君子好逑。有啲情歌我都鍾意聽，《一生中最愛》，『寧願一生都不說話，都不想講假說話欺騙你』，以前自己都曾經有過呢啲心境；《遲來的春天》，『不應去愛，無奈卻更加可愛』，每一個男仔，都做過十八廿二，都做過後生仔，都做過曾經投入呢啲情歌感動，我唔係一出世就八、九十歲㗎！」大劉曾經歷過一腳幾船，明星港姐女友情史更一籮籮，哪個才是他一生中最愛，他表示不會開名：「每一個女朋友，每一個女性朋友，大家人與人之間都會有感情，感情都有唔同程度，有深淺同輕重。我當然唔會答你邊個重啲，邊個半斤八兩、邊個十六両。」自認「都有戇居」過的大劉，愛情方面曾落錯注，十分後悔。他說：「嘥咗10幾、20年，冇專心事業，嘥埋時間喺無謂女人身上。雖然有啲老友同我講，Joe，我羨慕你！你寧願後生嘆咗，年紀大嗰時做生意搵錢都未遲，有時你遲啲想搵錢時未必有機會，未必有咁好運嘛。各有各睇，可能有啲人羨慕我、我嗰時後生咁happy，但我睇番轉頭，依家後悔後生嗰時唔好咁happy，搵多啲錢。」問到他風流半生，會否感到無憾，大劉直言：「又唔可以講無憾，睇返轉頭係鏡花水月，咩都試過。唔同年紀，感覺唔同，如果依家我16歲、18歲梗係話好enjoy，但今日你同我講，有100個靚女喺我面前，都無動於衷。」
「唔係話我扮清高，你思想上，心理上，同眼光、心態，或者健康各方面，都唔同。」追女仔，要講口才；講開口才，十幾年前，大劉有一門創作花名這門「興趣」，他說：「我喺度比較大膽、自豪啲講，我口才好叻嘅。當時呀。我讀緊中學同大學嗰陣，啲人話我講三句說話就可以氹五隻雀仔喺籠裡面飛出嚟。到我去中東做生意，啲老前輩話，當時我廿幾歲之嘛，佢哋話我可以用啲沙，換咗人哋啲石油走。其實係誇張咗，唔係咁嘅事，但當時把口係唔錯嘅。當然今日我已經唔使靠把口搵食，少講嘢，多做嘢，但係我讀緊書，讀緊中學、大學嗰陣，把口係得嘅。好識講嘢，好識搞氣氛。」統籌、採訪：陳月媚
攝影：陳俊強
攝錄：NEO、馮嘉銘、吉吉【劉鑾雄講大劉（1）】
獨家 千億富豪劉鑾雄 24歲問家傭借錢入院割膽
http://bit.ly/2ngVqNq【劉鑾雄講大劉（2）】
走過三輪水貨 「風扇劉」血淚史：唔夠半年已經冇錢出糧
http://bit.ly/2obalOj【劉鑾雄講大劉（3）】
遭猶太人出賣 大劉：我係廢柴中嘅廢柴，懵炳中嘅懵炳！
http://bit.ly/2mPTGzh【劉鑾雄講大劉（4）】家道中落 老父開廠俾人呃晒 大劉10歲前冇床瞓
http://bit.ly/2nr56WG【劉鑾雄講大劉（5）】大劉親剖與父關係：初則口角，繼而動武
http://bit.ly/2on7WQC【劉鑾雄講大劉（6）】聘福臨門廚師為家廚 大劉狠批昔日飯堂：依家唔啱胃口！
http://bit.ly/2oLevsv【劉鑾雄講大劉（7）】保鑣變毛巾黨 大劉驚握手：啲男人小完便唔洗手！
http://bit.ly/2oBDr69【劉鑾雄講大劉（8）】渣甸山大業主帶鎚仔收樓：扑爛咗，再做過！
http://bit.ly/2nzVt76【劉鑾雄講大劉（9）】大劉鬧廢青：叫佢咪去旅行？仲慘過殺佢老竇老母！
http://bit.ly/2oBFA51【劉鑾雄講大劉（10）】出手太狠跌200億 大劉：我點會唔怕輸！
http://bit.ly/2p4k31h【劉鑾雄講大劉（11）】首開腔為供股集資解畫 大劉：每次狙擊都係被迫
http://bit.ly/2nSgPh2【劉鑾雄講大劉（12）】股民爭買窩輪牛熊證覺「抵賭」 大劉譏：啲人冇腦吖嘛！
http://bit.ly/2nL2CBy【劉鑾雄講大劉（13）】花逾200億收購珍藏 大劉終於遇上一生最愛
http://bit.ly/2nqQv1A【劉鑾雄講大劉（14）】日日同款藍色Polo恤 大劉一季置裝費幾百萬
http://bit.ly/2olNm2l【劉鑾雄講大劉（15）】換腎悟生死 大劉：搵多幾多，都唔會使得到㗎
http://bit.ly/2pkVXzz【劉鑾雄講大劉（16）】飲水思源難 大劉：有需要嘅時候幫一幫，扶一扶
http://bit.ly/2p34RSE【Timeline】手機用戶請按此，瀏覽「傳奇狙擊手劉鑾雄」: http://bit.ly/LAU-timeline
|
鍾意就快D Share啦！
|
|
|