網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月12日 星期三

【動畫●獨家】搭廉航速遞峴港 31歲傅嘉莉火辣泳衣誘人夫莊天龍 __,傅嘉莉,

現年31歲嘅傅嘉莉(Kelly),model入行,近年簽約無綫,做女二、三keep住曝光。不過講得最多嘅,都係話佢財來自有方。除咗租住6萬南灣千呎豪宅 ...


現年31歲嘅傅嘉莉(Kelly),model入行,近年簽約無綫,做女二、三keep住曝光。不過講得最多嘅,都係話佢財來自有方。除咗租住6萬南灣千呎豪宅,出入坐寶馬仲有司機接送。明明大台收入同普通打工仔月薪差唔多,勝在傅嘉莉近年身邊出現嘅,全屬身家雄厚嘅猛人,先有14年喺車廂啜爆身家擁有140億港幣、已婚嘅新加坡肥叔叔Low Check Kian,之後又搭上法拉利代理、已婚富豪莊天龍(Benny),男方育有兩子,二人結伴外遊時,更有親蜜啜面照流出。雖然有圖有真相,但傅嘉莉當時誓神劈願,堅稱自己從來冇做第三者,啜肥叔叔係角度問題,啜莊天龍係飲大咗,指斥報道無中生有、污衊其人格云云……不過今勻又要借用子華神金句,若要人不知…旅行去遠啲!上周五(24日),有《蘋果》讀者宋小姐透過「爆相爆片」,見到傅嘉莉當日早上9點半,獨自一人喺廉航HKExpress飛峴港航班登機。宋小姐表示:「嗰朝見到傅嘉莉獨自一個上機,當時佢頭戴cap帽同黑色口罩,幾乎係最後一個上機,臨上機前俾人截停要佢除口罩,所以先認到。」點知同傅嘉莉同一班機嘅宋小姐,去到峴港就發現自己原來同傅嘉莉入住同一間酒店。宋小姐續講:「我同佢都係住Fusion Maia Resort。到星期六嗰日下晝約5點,我就見到佢莊天龍喺酒店做完spa,之後喺spa出面啲凳飲緊茶。見佢哋坐得好埋,傾到笑晒咁,態度都幾親蜜。傅嘉莉就着泳衣、而莊天龍就着條唔知係孖煙囪定泳褲。」宋小姐話現場唔見有其他朋友同佢哋同行,唔知佢哋係一pair去旅行抑或有其他朋友一齊。早前有報道指傅嘉莉,同呢位坐擁17億身家嘅已婚上市公司CEO莊天龍喺14年發展,傅嘉莉認識莊天龍後,獲對方陪到日本慶祝生日,同年暑假再出遊米蘭,二人蜜照因此流出。莊天龍更益傅嘉莉拍廣告,公私關係都密切。

(讀者宋小姐提供圖片) 若要人不知…旅行去遠啲!(讀者宋小姐提供圖片) (資料圖片)
傅嘉莉當時誓神劈願,堅稱自己從來冇做第三者(資料圖片) (資料圖片)

來源 source: http://s.nextmedia.com
鍾意就快D Share啦!