唔好話女人，連男人講起自己BB都會講唔停。
藝人黎諾懿出席腕錶品牌活動，談到榮升為新手爹哋，他難掩喜悅講湊B經講不停：「坐月姐姐教我掃風，但初生BB好脆弱，成日好驚整親佢！（你好粗魯？）男人拍可能好大力，又要逗住條頸，好多顧慮，已經第四次掃風，都有成功感。」他透露老婆哺母乳，加上新手父母經驗不足，出現啜損的情況：「之後知道要揸啲cream，BB唔使照燈，太太依家仲喺醫院，我都有紮營留低。（幾時出院？）星期五，我要紮營5日4夜。」
B仔似異形？
問到怕血的黎諾懿有否親自剪臍帶？他表示沒有，指當時情況緊張，揚言似足打仗：「太太貪靚，唔想開咁大個窿，但係『小春雞』唔捨得出嚟，最後要用吸盤吸佢出嚟。（有冇感動到喊？）太忙喇，太太貪靚要影相，又要除眼鏡又要梳番個頭，最後我同醫生講『太太唔知，幫我剪』。」他又笑言剛出世的B仔似足異形：「好浮腫又有血絲，一pat pat，不過成件事係得意、有趣，到依家我同太太都覺得神奇！」
未為囝囝改名
黎諾懿表示這兩天太過高興，還未為「小春雞」改名，並透露囝囝時辰八字有4個火：「有搵師傅算命，希望為佢改一個最好嘅名，先要用水整熄佢，到大個先用木燒番佢。（筆劃多罰抄難寫？）當練寫大字，學吓中國文化。」
來源 source: http://hk.on.cc
|
鍾意就快D Share啦！
|
|
|