33歲嘅大陸女星白百何同「羽泉二人組」嘅陳羽凡結婚多年，二人育有一子，但過去不時傳出二人婚變嘅消息，2014年就傳過佢哋已經簽咗離婚協議書，但當時羽泉 ...
33歲嘅大陸女星白百何同「羽泉二人組」嘅陳羽凡結婚多年，二人育有一子，但過去不時傳出二人婚變嘅消息，2014年就傳過佢哋已經簽咗離婚協議書，但當時羽泉就喺微博否認其事，仲話會追究法律責任。但今日有大陸網站就爆出白百何同一名小鮮肉到泰國旅行，其間二人喺酒店泳池嬉水，小鮮肉仲肉緊到有生理反應，認真尷尬！報道指，白百何喺2月17日，影到佢同助手一齊去泰國，但就唔見白百何嘅老公陳羽凡，當晚佢哋凌晨三點先抵達泰國嘅酒店。翌日就發現白百何同行多咗一個帥哥，報道話呢個小帥哥年約30歲，睇落比白百何年輕少少，佢哋先去咗餐廳醫肚，食完飯後佢哋就去酒店嘅泳池玩水，狀甚親熱，就好似一對拍緊拖嘅情侶咁。其間小鮮肉仲不時做出嘅古靈精怪嘅動作來o氹白百何開心，好似扮海䐁要白百何餵佢食嘢咁，白百何就真係俾佢o氹得好開心吓！唔知係咪玩得太開心同太親密嘅關係，小鮮肉突然有生理反應，喺公開場合有生理反應，你都咪話唔尷尬，但係佢哋似乎冇乜理會，仲繼續調情，白百何仲用胸撞向小鮮肉嘅臉上！呢啲旁若無人嘅情況，最後就由女方助手到來而打破！佢哋見到助手，白百何就先行離開，而小鮮肉之後就上水離開。到夜晚，白百何嘅助手就同一名男子離開，留低佢同小鮮肉共渡春宵，而報道仲話之後會有第二波嘅延續，唔知係咪仲有啲更激嘅畫面呢！咁有大陸網民見到報道後，就形容白百何主演嘅電影《失戀33天》嘅劇組太勁了，因為套戲就係講出軌嘅故事！
