葉翠翠話佢囝囝早咗兩個星期出世，搞到佢頭痛冇人陪月。
藝人葉翠翠昨晚誕下仔仔，重七磅半，仍在醫院休息的她透露原來仔仔應在月底出世，但昨晚突然穿羊水，故急急腳拎走佬袋入醫院，她說：「初頭都有啲驚嘅，因為早咗兩星期出世，但醫生都話唔使驚，因為佢畀一般BB嘅SIZE大四周，出到嚟都成七磅半，醫生話如果足月佢應該成九磅重！」她又笑指穿羊水時被老公反問：「咁點算呀？」又透露老公有入產房陪伴她及剪臍帶，至於有否感動到喊？她說：「我太緊張啦，冇喊到，緊張到唔知自己做緊咩，老公就好開心，一見BB就話好似佢！」
至於生仔仔後老公有沒有獎勵她？葉翠翠說：「唔使啦，冇所謂嘅！」不過目前最令她頭痛的是陪月問題，因她原本在4月底生，而陪月最快都要5月才到，如果BB早兩星期出世令她相當頭痛：「太突然啦，陪月最快要5月先嚟，呢兩個星期要自己湊。（家人？）都會幫手。（老公？）會呀，不過都要睇吓工作安排！」她直言現在要以照顧老公及BB為優先，只可接簡單商演等工作。
來源 source: http://hk.on.cc
|
鍾意就快D Share啦！
|
|
|
