馬國明連踩廿個鐘都冇咩嘢喎！
藝員馬國明在荔枝角出席無綫劇集《心理追兇 Mind Hunter》宣傳，眾演員玩小型高卡車比賽，但馬國明卻沒有落場，原來他拍攝重頭劇《深宮計》連踩20個鐘，一直拍到今朝六點才收工，他說：「由尋日朝早十點拍到今朝六點，好眼瞓，所以冇玩，驚有意外。（頂唔頂得住？）OK，暫時都冇病。（有冇反映爭取時間休息？）冇，其實開兩組，時間都算正常，唔使埋位都要留吓力。（黃心穎有冇煲湯畀你飲？）冇，反而胡定欣有，咁啱佢屋企人攞湯畀佢，佢畀啲我飲。」
馬國明被問到與緋聞女友黃心穎可有進展？他透露終於有進展笑說：「之前有日放假都約咗佢出街食日本菜。（又係日本菜？）我哋都係鍾意食日本菜。（邊個請？）佢畀，因為之前有啲嘢我畀咗，朋友出街係咁，有啲你畀、有啲我畀。（開工咁辛苦都仲去街？）咁啱啫，食餐飯啫。（加深咗了解？）咪知道大家都鍾意食日本菜囉，都算有進展㗎喇，哈哈。（有冇goodbye kiss？）冇。」
來源 source: http://hk.on.cc
|
鍾意就快D Share啦！
|
|
|
