【東方日報專訊】《第36屆香港電影金像獎》各大獎項塵埃落定，出爐影帝林家棟與失獎的任賢齊、余文樂等各自各精彩！風騷的家棟突襲「獎門人」曾志偉，在後台上演一場HeHe咀嘴！小齊則作勢搶走家棟獎座，表現豁達戥拍檔開心，同樣落敗的余文樂就頻頻嗌肚餓。
出爐影帝林家棟深耕演藝圈接近三十年，前晚終於憑電影《樹大招風》首嘗影帝滋味！家棟從「金句王」黎明手中接過獎座，對方在公布結果時不忘大講金句「大家好！我好開心今晚成為一個速遞員！」，以及「呢個大信封就係邊個升職、邊個最標青邊個加人工」，認真搞笑！獲獎的家棟捧着獎座到後台，難掩興奮心情，與曾幫他不少、正分享「最佳男配角」得獎感受的曾志偉撞到正，他竟從後突襲對方肉緊咀嘴，HeHe味濃！連出名轉數快的志偉亦被嚇親，反應過來後即時抹嘴，更搞笑鬧家棟：「你條粉腸吖！」
終有成績向家人交代
頒獎禮後，家棟與拍檔任賢齊亮相電影慶功宴，家棟笑言終於對家人有交代，問到媽媽有否到場撐封帝？他說：「佢有嚟睇，但朋友車咗佢返屋企喇！以前訓練班出嚟冇錢，佢都好支持我，叫我決定咗就一定要做，唔好怨，依家做到啲成績叫做同林家交代。」小齊同樣憑該電影爭影帝，失獎的他亦戥拍檔家棟開心，兩人合照時頻頻交戲，小齊作勢搶走獎座並笑說：「放喺我屋企借一個月！」家棟則笑說：「醒佢又如何？」
余文樂食白果嗌肚餓
另一邊廂，同樣獲提名男主角的余文樂出席電影慶功宴，整晚表現緊張的他被問到失落影帝會否失望？他說：「其實今次志偉、金燕玲同導演都拎獎已經好好，我最開心嘅係收到好多朋友電話，話好鍾意部戲。」樂仔又直言曾幻想得獎時要多謝幫過自己的人，問到有否準備得獎致詞？他說：「我冇準備，但有諗要多謝邊個，只係個腦有人名。（女友王棠云安慰你？）未睇電話，返屋企先睇，佢都有鼓勵我。」雖然失獎，但樂仔總算放下心頭大石，慶功宴上頻頻嗌肚餓！他又感謝家人及同事的支持，網晒前晚與家人及同事的合照，相中見父母、妹妹及妹夫等一起盛裝出席：「家人，同事永遠是第一位，Love you all。」
文：影視組
是日精選
「小春雞」打尖出世 黎諾懿：生殖器好強壯" data-reactid="48">「小春雞」打尖出世 黎諾懿：生殖器好強壯
|
鍾意就快D Share啦！
|
|
|
