大家期唔期待呢？
台灣女星徐熙媛（大S）當年憑一套《流星花園》飾演杉菜一角而紅遍中港台，仲同呢套劇嘅監製柴智屏成為好朋友，相隔16年，大S同柴智屏仲不時相聚，呢日兩位都將聚會時影嘅合照放上網，柴智屏留言話：「2001年4月12日，16年前《流星花園》開播，是一個美麗夢想的開始，親愛的熙媛@大S 謝謝你一如16年前陪伴著（着）我，並送上美好祝福！是！《流星花園》要重拍了！全新屬於你們青春的《流星花園》#流星花園重拍##杉菜就是打不倒的雜草精神##流星花園16年#」
當年呢套偶像劇大受歡迎，依家宣布重拍，大S都表現得好興奮，雖然柴智屏未有透露大S會唔會做番杉菜一角，大S亦都冇提及，但佢都好開心咁留言話：「一個閃光，流星花園已經16年了！杉菜都是兩個孩子的媽了！跟柴姊 @柴智屏Angie 聊聊往事很有感覺⋯她明知道我是老實人，還跟我說了個秘密等她自己告訴各位吧。」《流星花園》重拍，唔知會搵咩人做F4呢？
來源 source: http://hk.on.cc
|
鍾意就快D Share啦！
|
|
|
