「阿伯殺手」李莉莉（Lily）1998年獲選澳門小姐季軍並來港發展，當年樣貌標緻卻走騎呢路線，令她成功出位，絕對是九十年代艷星界的風雲人物之一，1996年她與澳門商人麥競敏結婚息影，現育有一仔一女，今年因在朋友導演游說下決定復出，一頭超長金髮配綠紅藍間條染色，令人留下深刻印象！日前，Lily更帶同爆肌黑超保鏢接受東網專訪，期間大擺S甫士，又同爆肌保標鬥谷事業線！
自爆曾被綁架
學朱咪咪話齋「做嘢無要求，邊有人畀面？！」李莉莉指自己揀保鏢都相當有要求，有殺氣之餘，仲要識埋中式按摩，看似無厘頭但其實又有箇中道理，她謂：「當年我揀保鏢唔要靚仔，唔想傳緋聞，依家就要有殺氣同識按摩，因為我心臟唔好，成日會手足冰冷，好需要男人嘅火雲掌暖番，當然我會捲住薄被同埋有女助手在場四手按嘅。」
請保鏢除了為咗按摩，當然仲要保護自己嘅人身安全，Lily更自爆早年曾經險被綁架：「當年有綁匪想綁架我勒索，仲問我助手攞我嘅行踪，但我助手好好話番畀我知，所以由嗰陣時開始就會請保鏢護身。」
財政冇問題
Lily久休復出，傳聞不斷，有指她婚變及財困，lily逐一解說，談到與老公麥競敏的關係，她笑意盈盈表示：「我同老公嘅婚姻絕無問題，佢亦有一直信守結婚時嘅承諾，一齊廿年都絕唔會過問我嘅財政狀況，自由度極高！」
至於財困，於江西擁有兩千畝果園的她矢口否認，並謂：「無問題，我老公都已經退休，周圍去玩攝影，而我因為有心臟病，所以唔能夠再打理個果園，所以先返出嚟做嘢。」
唔知咩係「潛規則」
相隔21年再殺入娛圈，不少事都要重新適應，Lily笑言早前曾經畀人問可否「潛規則」，但她根本不明所，她謂：「嗰個人問我可唔可以『潛規則』一次，我當時都唔明佢講乜，仲以為佢問我攞錢，仲反問佢點解要畀錢佢拍戲，事後先知個意思（不道德交易），當然已經嚇走咗佢，真係笑死！」
|
鍾意就快D Share啦！
|
|
|
